web counter
LEXO PA REKLAMA!

SHKARKO APP

App Store
Google Play

E fundit!

x

Raporti i FMN/ Shqipëria po gëzon rritje të shpejtë ekonomike

20 Mars 2018, 15:21, Politikë CNA

Raporti i Fondit Monetar Ndërkombëtar ka dalë në përfundimin se Shqipëria po gëzon një prej rritjeve më të shpejta ekonomike në rajon.

Në këtë raport thuhet se norma e rritjes ekonomike ne vendin tonë çmohet se do të arrijë 3,9 për qind në 2017 dhe 3,7 për qind në 2018.

Nën drejtimin e zonjës Anita Tuladhar, misioni i FMN deklaroi se mjedisi makroekonomik dhe politik në vendin tonë është i qëndrueshëm. ?Politikë-bërësit do të duhet ta shfrytëzojnë këtë periudhë të mirë për të çuar më tej reformat për zbutjen e risqeve që lindin nga borxhi i lartë publik dhe detyrimet e kushtëzuara dhe nga kreditë nën standard në sektorin financiar; dhe për ta fuqizuar potencialin e rritjes afatmesme kundrejt një klime të vështirë për investimet me nivel të lartë informaliteti dhe sundim të dobët të shtetit ligjor.

Prioritetet kyçe janë: çuarja përpara e konsolidimit fiskal; rritja e efikasitetit të shpenzimeve të investimeve publike; fuqizimi i kuadrit institucional për mbikëqyrjen bankare dhe zgjidhjen e kredive nën standard; dhe heqja e pengesave në mjedisin e biznesit/investimeve nëpërmjet reformave në gjyqësor dhe kundër korrupsionit. Këto përpjekje do ta hapin ekonominë edhe ndaj mundësive të reja për rritje, do ta ndihmojnë Shqipërinë t?i afrohet më shumë integrimit në BE dhe do të siguronin standarde më të larta jetese për popullin shqiptar?, thuhet në raportin e FMN-së. /CNA.al

 





Lajmet e fundit nga