web counter
LEXO PA REKLAMA!

SHKARKO APP

App Store
Google Play

E fundit!

x

130 punonjës të policisë së burgjeve me rekorde penale

19 Mars 2018, 11:20, Aktualitet CNA

Ministrja e Drejtësisë, Etilda Gjonaj ka bërë të ditur se rreth 130 punonjës të policisë së burgjeve janë konstatuar me rekorde penale, ndërsa 70 punonjës në papajtueshmëri me arsimin në vendin e punës.

Gjithashtu mësohet se në kuadër të forcimit të masave dhe kontrolleve në burgje në 6 muaj, 65 punonjës janë proceduar penalisht dhe 40 punonjës janë propozuar për masa administrative.

Sipas Gjonaj, reforma në sistemin e burgjeve do të nisë me verifikimin e pastërtisë ligjore dhe morale të punonjësve.

Në një postim në faqen e saj në rrjetet sociale, Gjonaj shkruan se ?Verifikimi i pastërtisë morale të punonjësve të sistemit të burgjeve, hapi i parë për pastrimin e plotë të radhëve të punonjësve të burgjeve nga elementët e inkriminuar. Shumë shpejt një sistemi i ri rekrutim-trajnimi në bashkëpunim me Akademinë e Sigurisë, për të siguruar një trupë shërbimi të pastër moralisht, të pandikuar politikisht dhe të aftë profesionalisht.?

Gjonaj deklaron se do largohen nga sistemi i burgjeve punonjësit e policisë me rekorde penale, të cilët nuk mund të ishin pranuar në sistemin e burgjeve.

Po ashtu të gjithë ata punonjës që janë në papajtueshmëri të arsimit me vendin e punës do largohen ose do përshtaten me arsimin në vendin e punës.

Në kuadër të reformimit të sistemit të burgjeve, Gjonaj vlerëson rëndësinë e sistemin e ri të rekrutimit, me qëllim pasjen e një trupe jo të emëruar politikisht dhe sa më profesionale.

?Për këtë qëllim në bashkëpunim me Akademinë e Sigurisë do të organizohen testime profesionale për rekrutimin dhe më pas kandidatët e përzgjedhur do t?i nënshtrohen një kursi trajnimi, lidhur me detyrat funksionale të punës në burgje?, ka pohuar ajo.

?Asnjë tolerim në procesin e verifikimit të pastërtisë morale të punonjësve. Të gjithë ata që nuk plotësojnë kriteret do të largohen!?, theksoi ministrja Gjonaj.





Lajmet e fundit nga