web counter
LEXO PA REKLAMA!

SHKARKO APP

App Store
Google Play

Dështon Komisioni i parë për çështjen “Tahiri”/ Deputetët pa çertifikata sigurie, takimi shtyhet për javën tjetër

19 Mars 2018, 10:46, Aktualitet CNA

Mbledhja e parë e Komisionit Hetimor për ?Për të kontrolluar veprimet dhe mosveprimet e organeve shtetërore në parandalimin dhe goditjen e fenomenit të kultivimit dhe trafikut të lëndëve narkotike, përfshirë çështjen për të cilën prokuroria po heton edhe ish-ministrin e Brendshëm, Saimir Tahiri? është shoqëruar me replika dhe debate mes përfaqësuesve të opozitës dhe mazhorancës.

Deputetja Ermonela Felaj e cila tha se duhet të paraqitet se çfarë është në plan të hetohet, dhe sipas saj, hetimi nuk mund të hapet që sot, duke propozuar që takimi i ardhshëm të jetë në fillim të javës tjetër.

Deputeti demokrat, Alibeaj e ka kundërshtuar, duke u shprehur se është krejt e padobishme kjo kërkesë e mazhorancës, pasi sipas tij rregullorja është e njëjte me mbledhje të tjera të mëparshme të Komisioneve Hetimore, pavarësisht cështjes për të cilen mblidhet.

Alibeaj ishte kundër shtyrjes 1 javë të procesit për konsultimin e rregullores. “Ka vetëm 24 nene dhe ska arsye të shtyhet. Të jetë prioritet ky komision.” është shprehur ai.

Ka pasur replika mes Bashkim Finos dhe Edi Palokës për çështjen “Tahiri” dhe mënyrës së zhvillimit të punës së procesit.

Ndërsa deputeti i PD, Flamur Noka ka kërkuar që të vendoset që takimet të jenë periodike.

Pas debateve dhe argumenteve të të dyja palëve, kreu i këtij Komisioni, Edi Paloka ka vendosur të pranojë propozimin e mazhorancës, që mbledhja e ardhshme e ketij komisioni të jetë të hënen tjetër.

?Jam dakort me propozimin tuaj. Mendoj se meqë mazhoranca kërkon që mbledhja tjetër të vijojë javen që vjen, Komisioni do të mblidhet të hënen. Për oren ju njoftojmë në vijim?./ CNA.al





Lajmet e fundit nga