web counter
LEXO PA REKLAMA!

SHKARKO APP

App Store
Google Play

E fundit!

x

Alarmi i medieve italiane/ Në dyqanet e celularëve montohen mina për xhihadistët

16 Mars 2018, 20:05, Aktualitet CNA

Mediat italiane hedhin dyshime se në dyqanët e celularëve në Shqipëri montohen mina me celularë me porosi të xhihadistëve dhe grupeve kriminale italiane. Dyshimet i hedh e përditshmja italiane ?Corriere della Sera?, në një shkrim që merr shkas nga rasti i fundit i Gentian Hoxhës, pronarit të një dyqani celularësh i cili u plagos aksidentalisht nga shpërthimi i eksplozivit që montonte në celular.

Corriere shkruan se shumica e porosive kryen nga klanet mafioze pulieze që bashkëpunojnë me xhihadistët. Kontaktet i mbajnë përmes xhamive në Shqipëri, me të cilat janë të lidhura shumë pronarë dyqanesh të celularëve. Minat shqiptare përdoren për atentate mes grupeve rivale të krimit në Itali e Europë, por edhe për akte terroriste. I tillë ishte rasti i masakrës së Nisës, korrikun e 2016-ës kur autori Mohamed Buhlel kishte kontaktuar me grupet kriminale për të siguruar armë.

Muajin e kaluar, në kufirin malazez u zbuluan 3 mina me celularë që transpoheshin drejt Italisë me kamion. E përditshmja italiane i referohet edhe deklaratave të krerëve të policisë shqiptare, të cilët pranojnë se në skafet që transportojnë drogë e armë përmes detit drejt Italisë, janë zbuluar shpesh edhe mina me celularë.

Policia italiane është e shqetësuar për shtimin e rasteve të përdorimit të minave me celularë në botën e krimit. /Tv Klan





Lajmet e fundit nga