web counter
LEXO PA REKLAMA!

SHKARKO APP

App Store
Google Play

E fundit!

x

Deputetja e PS thirrje opozitës: Mos bëni spektatorin, apo komentatorin, por ...

15 Mars 2018, 16:13, Politikë CNA

Deputetja e Partisë Socialiste, Blerina Gjylameti, në fjalën e saj të mbajtuar në seancën parlamentare, i ka bërë thirrje kolegëve të saj demokratë që të bashkohen dhe të mbështesin reformat e bëra nga qeveria, nën argumentin se janë reformat që i duhen vendit për të ecur para.

“Do doja që kolegët tanë të opozitës të mos ishin spektator, apo më keq akoma komentator sikundër në një ndeshje sportive, por pjesëmarrës dhe bashkëpunëtor të të gjitha këtyre nismave”.

Gjylameti ka thënë se në reformën e ekonomisë konkretisht mund të ketë vend dhe për kritika, ndërsa ka shtuar se pret rritjen e nivelit të përgjegjshmërisë.

“Mund të ketë dhe vend për kritika, por po pres nga ana juaj që të ngriheni në nivelin e përgjegjshmërisë që i takon një force që e ka qeverisur këtë vend për më shumë se disa vite”.

Teksa ka rikujtuar lobimin rus të PD-së dhe kryetarit të saj Lulzim Basha, Bylameti shtoi se shuma që Basha ka paguar, do mjaftonte për të paguar një muaj familjet në nevojë.

“Shpresoj të filloni të reflektoni në të ardhmen sepse tek kryetari juaj që del e flet për varfërinë, ju kujtoj që ato 500 mijë dollarë, të paguara për të nxirë Shqipërinë, për të vrarë ekonominë, për ti vrarë shpresën çdo të riu e të reje në këtë vend, do të mjaftonin për shumë familje për të bërë pagesën e një muaji”. /CNA.al





Lajmet e fundit nga