web counter
LEXO PA REKLAMA!

SHKARKO APP

App Store
Google Play

Bllokohet projektligji për strehimin social/ Propozohet të ndryshohet 90 për qind e tij

13 Mars 2018, 09:02, Sociale CNA

Projektligji ?Për strehimin social? u bllokua ditën e djeshme.

Komisioni për Punën, Çështjet Sociale dhe Shëndetësinë shtynë gjatë mbledhjes së djeshme shqyrtimin dhe miratimin në parim dhe nen për nen të këtij projektligji sepse janë propozuar ndryshime për 90% të tij.

Një gjë të tillë e bëri të ditur kreu i grupit parlamentar të LSI, Petrit Vasili, një- kohësisht kryetar i komisionit, i cili gjatë fjalës së tij u shpreh se ndryshimet e propozuara prekin edhe karakterin konceptual. ?Përpara se të ecim më tej me këtë shqyrtim, dua t?ju vë në dijeni që ligjit i janë propozuar ndryshime shumë të mëdha, qoftë në sasi e qoftë në karakterin konceptual.

Ndryshimet e propozuara, qoftë edhe rekomandimet për propozime, ndikojnë 90% të ligjit. 90% e ligjit, që ndryshohet brenda procedurave parlamentare, është një pamundësi e plotë politike në radhë të parë, por kurrsesi nuk mund të prekin me të gjithë instrumentet parlamentare që ne kemi thuajse 90% të ligjit?, deklaroi Petrit Vasili.

Për këtë arsye, ai paraqiti idenë e shtyrjes në kohë të shqyrtimit të projektligjit, duke theksuar se duhet më shumë kohë për të kryer një shqyrtim të thelluar, raporton gazeta Sot.

?Në një situatë të tillë unë mendoj që është një punë që del jashtë mundësive edhe politike edhe instrumenteve parlamentare që kemi, për të ecur në këtë moment me nismën e shqyrtimit nen për nen. Do t?i propozoja të gjithëve që t?i jepnim kohë vetes.
Ta shtynim për ditën e sotme këtë shqyrtim, sepse kërkon një shqyrtim të thelluar, kërkon edhe një shprehje të vullnetit politik: të ministrit dhe qeverisë për një dakordësi tërësore të ligjit?, deklaroi më tej kreu i grupit parlamentar të LSI.

Propozimi i Vasilit mori edhe dakordësinë e dy bashkërelatoreve të projektligjit, Grida Duma, deputete e PD, dhe Alma Xhembulla, deputete e PS.





Lajmet e fundit nga