web counter
LEXO PA REKLAMA!

SHKARKO APP

App Store
Google Play

E fundit!

x

Topollaj ironizon Bashën me kritikët: Faturoja atyre dollarët e Amerikës, po të bien në qafë

11 Mars 2018, 13:02, Politikë CNA

Këshilltari i Partisë Demokratike, Fabian Topollaj, në një postim në rrjetet sociale, ka ironizuar kreun e PD-së, Lulzim Basha.

Teksa shkruan se në raportin konfidencial të degëve të PD për zgjedhjet, paska dalë që kritikët paskan punuar kundër dhe kjo është arsyeja sipas Bashës që PD ka humbur, Topollaj në ironi të theksuar i thotë Bashës që t?ia faturojë atyre dhe blerjen e votave për PS dhe LSI.

Më tej Topallaj shkruan që Basha duhet tua faturojë kritikëve dhe dollarët që janë dërguar në Amerikë, pasi janë duke i rënë më qafë pa arsye.

Postimi i plotë:

Ore kryetar, e ke që e ke në dorë këtë raportin konfidencial të degëve të PD për zgjedhjet, ku paska dalë që kritikët e tu paskan punuar kundër, ndaj paskemi humbur ne.

Pse nuk e bën tamam dhe t’u caktosh atyre edhe blerjen e votave për PS dhe LSI, madje edhe përdorimin e trafikantëve dhe të fortëve gjatë fushatës?

Po deshe mund t’i faturosh atyre edhe këto dollarët që janë dërguar ne Amerikë, sepse po të bien me qafë kot fare për atë çështjen e lobimit.

Vetë e bëre, vetë ia shpërndave shtypit, ndaj nuk e kuptoj çfarë të pengon dhe të mban dorën që t’ua ngecje atyre të gjitha hallet e tua, tamam siç e meritojnë ata armiq të popullit e të partisë? /CNA.al





Lajmet e fundit nga