web counter
LEXO PA REKLAMA!

SHKARKO APP

App Store
Google Play

E fundit!

x

Basha e pranon: Morëm 250 mijë vota më pak

11 Mars 2018, 12:55, Politikë CNA

Në një raport të publikuar nga Gazeta Shqiptare, i cili përmbledh një analizë të shkaqeve që çuan në humbjen e thellë të zgjedhjeve të 25 qershorit, thuhet se degët i janë ankuar kreut të PD Lulzim Basha se një ndër shkaktarët e humbjes janë edhe kritikët e tij. Ndërkohë që degët i ka porositur vetë Lulzim Basha që analizën ta bënin në këtë lloj forme duke thënë se kanë qënë kritikët shkak i humbjes.

PD ka gati 250 mijë vota më pak se katër vite më parë, Basha e ka pranuar këtë duke ju thënë degëve që të fajësojnë kritikët për humbjen.Të paktën për herë të parë në jetën e tij është treguar i sinqertë.

Më poshtë po sjellim detajet të publikuara nga Gazeta Shqiptare.

Baza e PD-së i është ankuar kreut Lulzim Basha se kritikët e tij kanë sabotuar indirekt fushatën elektorale të 25 qershorit të vitit të kaluar, gjë që sipas saj, thelloi humbjen në zonat ku ata ishin më parë të zgjedhur të PD-së.

Aktivistët e PD-së kanë përmendur emra konkretë përmes raporteve konfidenciale të hartuara pas mbylljes së procesit të analizës në mbarë vendin. Në Partinë Demokratike qëndrojnë të depozituara raportet e 53 degëve, që përmbledhin një analizë të hollësishme të shkaqeve që çuan në humbjen e thellë të zgjedhje të 25 qershorit. Krahas raportit të analizës, ka edhe një raport konfidencial për çdo degë të hartuar nga të deleguarit e kryetarit Lulzim Basha, në çdo qark.

Analiza konstaton se pothuajse në 90 për qind të degëve në zonat rurale, rezultati i dobët është ndikuar nga blerja e votës me para të pista, apo përdorimi i administratës, si për shembull presioni për ndërprerjen e ndihmës eko-nomike dhe mënyra të tjera. Por, më afër zonave urbane rezultati i dobët i Partisë Demokratike është ndikuar nga faktorë të tjerë përfshirë ato të brendshmit. Pikërisht në këtë pikë janë përmendur emra konkretë të njerëzve që punuan kundër fitores së PD-së në zgjedhje, duke cituar kon-kretisht emrat e kundërshtarëve të Bashës në parti.

Burime për ?Gazeta Shqiptare? konfirmojnë se bëhet fjalë kryesisht për zonat e qarkut të Shkodrës, të Vlorës, të Korçës, Durrësit, Elbasanit, Gjirokastrës, Dibrës etj. Lista e kandidatëve të 25 qershorit që mban firmën ekskluzive të Lulzim Bashës, rezulton të ketë sjellë një problem të madh, duke shkaktuar jo vetëm pakënaqësi tek votuesit, por edhe thellimin e problemeve në organizmin dhe funksionimin e strukturave. Me një rol jo të vogël në rezultat, analiza nxjerr edhe në marrëveshjen e 18 majit mes Bashës dhe Ramës, që solli mbylljen e çadrës së protestës dhe futjen e PD-së në zgjedhje. Koha e gjatë prej tre muajsh në çadër vonoi fillimin e fushatës së PD-së, ku baza e PD-së e pati të vështirë të përgatitej në kohë për 25 qershorin.

Ky fakt u përmend edhe nga vetë kreu Basha gjatë mbledhjes së fundit të kryesisë së PD-së mbrëmjen e së enjtes, teksa u diskutua edhe analiza e humbjes së zgjedhjeve të 25 qershorit. Kryesia e PD-së vendosi në mbledhjen e 8 marsit që të thërrasë me 28 dhe 29 prill mbajtjen e Kuvendit Kombëtar për të shqyrtuar ndryshimet statutore.

Gjithashtu, u vendos unanimisht se brenda datës 22 mars, një grup i posaçëm pune të mbledhë të gjitha propozimet për ndryshimet statuore dhe më pas të mblidhet edhe Këshilli Kombëtar. Gjatë mbledhjes me dyer të mbyllura, kreu Lulzim Basha njoftoi ngritjen e një grupi pune për propozimet për ndryshimin e statutit, që do të paraqiteshin në Kuvendin Kombëtar të Partisë Demokratike.

Por, grupi anti-Basha në PD kërkon mbledhjen e Këshillit Kombëtar të PD për të bërë edhe njëherë analizën e humbjes së 25 qershorit, si dhe diskutimin e propozimit për ndryshime statutore.

Raporti konfidencial, arsyet e humbjes së zgjedhjeve

http://www.gsh.al/2018/03/11/raporti-konfidencial-deget-e-pd-kritiket-e-bashes-sabotuan-fushaten/





Lajmet e fundit nga