web counter
LEXO PA REKLAMA!

SHKARKO APP

App Store
Google Play

E fundit!

x

Bode: Basha ka humbur kredibilitetin tek demokratët

8 Mars 2018, 19:23, Aktualitet CNA

Ish-Sekretari i Përgjithshëm në PD, Ridvan Bode ishte i pranishëm në studion e lajme të ABC News, ku ka folur rreth mbledhjes së fundit të Kryesisë së Partisë Demokratike dhe debateve të ndodhur në të.

Ai tha se Lulzim Basha vijon të veprojë në kundërshtim me Statutin e PD, e kësisoj nuk mendon se do të merren në konsideratë propozimet e kritikëve.

“Unë personalisht nuk shpresoj të merret asgjë në konsideratë. Nuk kam të drejtë të paragjykoj, po kur hapat nuk merren në bazë të statutit, atëherë me vjen e drejta të mendoj këtë.”, – tha Bode.

Më tej ai u shpreh: “Bëhet fjalë për një Kongres që do të mblidhet për një muaj. Nuk do të jetë një Kongres normal, sepse nuk pritet të ketë zgjedhje, e kësisoj nuk do të jetë normal. Po të ishte norma do të bëheshin zgjedhje në struktura dhe të ngriheshin Forumet. Në Partinë Demokratike nuk ka zgjedhje, nuk ka analizë politike, për një parti siç është edhe PD. Lulzim Basha nuk ka pasur dhe nuk ka një aksin politik, kështu ka një shqetësim ndër demokratët.”

Sipas tij, “Janë dy problemet: Kredibiliteti i kryetarit në parti është i humbur, ashtu edhe në opinionin e gjerë publik”.

Ai tha se, “Marrëveshja me Ramën çoi në humbje të kredibilitetit ndër anëtarët e PD dhe opinionit publik”. /CNA.al





Lajmet e fundit nga