web counter
LEXO PA REKLAMA!

SHKARKO APP

App Store
Google Play

E fundit!

x

Zyra e shtypit të PD deformon qëndrimin e Imamit/ Ish-deputeti: Basha e ka çuar PD-në 18%

8 Mars 2018, 18:39, Aktualitet CNA

Lulzim Basha thirri pasditen e sotme mbledhjen e Kryesisë, ku edhe propozoi ngritjen e një grupi pune për ndryshimet statutore dhe përgatitjet për thirrjen e Kuvendit Kombëtar. Zyra e shtypit ka filluar të shpërndajë informacione në medie dhe disa portale që i shërbejnë Lulzim Bashës, me qëllimin vetëm për të manipuluar opinionin publik dhe demokratët në veçanti. CNA.al ka komunikuar me ish-deputetin demokrat Arben Imami, i cili përsëriti atë që kish thënë në mbledhje.

“Ke 5 vjet që je me sondazhe poshtë partisë. Pas zgjedhjeve ti dhe partia jeni në rënie të lirë! Lideri duhet ta tërheqë më lart partinë, si Berisha. Analiza nuk pasqyron mendimet e kritikëve por ka qenë e njëanshme! Nuk ka pasur platformë gjithëpërfshirëse nga Këshilli Kombëtar për të bërë analizën! Të mbledhësh Këshillin Kombëtar, pasi është proces politik dhe jo burokratik. Ndaj nuk zgjidh gjë me grup pune. Thirrja e Kuvendit është legalizim i mosbashkimit.

Që nga vera e vitit të shkuar pas zgjedhjeve, ti personalisht duke tërhequr nga pas dhe PD-në, në sondazhe paraqitemi në rezultatet më të ulëta historike, 18% je sot. Unë po të them lej burokracitë dhe shko ulu, diskuto dhe zgjidh problemet me njerëzit, sepse me këtë veprim nuk zgjidh asgjë, thjeshtë formalizon ndarjen”, – ka thënë Imami.

Imami ka përmendur emrat e Topallit, Patozit, Bodes, Bregut etj., duke theksuar se Basha duhet t’i thërrasë, të diskutojë dhe t’i zgjidhë problemet me ta. “Duke ndjekur procedura burokratike nuk zgjidh asgjë. Unë nuk mund t’i përfaqësoj ata. Unë jam këtu vetëm si Arben Imami. Je ti që ke krijuar probleme dhe ke ndarë PD-në, dhe je ti ai që duhet ta bashkosh atë.”, – është shprehur Imami. /CNA.al





Lajmet e fundit nga