E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Administrata në testim/ Ja, kategoritë që rrezikojnë të humbasin vendet e punës

8 Mars 2018, 09:13, Aktualitet CNA

Ditën e djeshme, Këshilli i Ministrave ka marrë një vendim ku përcaktohet se të gjithë nëpunësit civil do u nënshtrohen testimeve të vazhdueshme.

Sipas vendimit të qeverisë çdo nëpunës civil është i detyruar t?i nënshtrohet periodikisht testimit paraprak dhe kur është e nevojshme, procedurës së trajnimit çdo 4 vjet.

Kurse në rastet kur kjo gjë nuk është e mundur vlerësimi i punonjësve do të shtyhet për një periudhë deri në 6 vjet. Por kjo procedurë nuk do të zbatohet njësoj për të gjitha kategoritë.

Kjo për faktin se nëpunësit civilë në njësitë teknike të përmbajtjes së sistemeve tatimore e doganore do jenë të detyruar që kësaj procedure t?i nënshtrohen çdo dy vjet, raporton gazeta Sot.

Sipas vendimit të Këshillit të Ministrave nuk do i nënshtrohen kësaj procedure nëpunësit civilë të kategorisë së lartë, nëpunësit që janë pezulluar, që janë me leje lindjeje, ata që janë para mbushjes së moshës së pensionit etj.

Sipas vendimit të qeverisë të gjithë punonjësit që janë riemëruar në një pozicion të dytë dhe që kanë plotësuar 1 vit në këtë pozicion do i nënshtrohen testimit, kurse ata që nuk e kanë plotësuar këtë afat kohor nuk do jenë pjesë e testimit.

?Nuk i nënshtrohen kësaj procedure: a) nëpunësit civilë të kategorisë së lartë drejtuese; b) nëpunësit civilë në periudhë prove; c) nëpunësit civilë, të cilët janë të pezulluar; ç) nëpunësit civilë, të cilët janë me leje lindjeje; d) nëpunësit civilë, të cilët kanë kryer procedurën e lëvizjes paralele apo atë të ngritjes në detyrë në vitin e fundit, përpara zhvillimit të procedurës; dh) nëpunësit civilë në vitin e fundit të punës, përpara mbushjes së moshës së pensionit; e) diplomatët e karrierës?, thuhet në vendimin e Këshillit të Ministrave

Sakaq, pjesë e testimit do jenë dhe nëpunësit e rinj që janë emëruar në një pozicion të administratës dhe që kanë plotësuar një vit punë në shërbimin civil.

Kurse për nëpunësit që kanë marrë leje lindjeje apo që do e marrin në të ardhmen, periudha e testimit do të jetë 1 vit pas përfundimit të lejes së lindjes.

Brenda marsit nisin testimet Testimet në administratë do të fillojnë brenda muajit mars të çdo viti. Sipas vendimit të qeverisë ASPA në bashkëpunim me DAP do të hartojë programet e trajnimit për fushat e përcaktuara.