web counter
LEXO PA REKLAMA!

SHKARKO APP

App Store
Google Play

E fundit!

x

Lëvizjet e kritikëve tmerrojnë Lulzim Bashën

7 Mars 2018, 17:40, Aktualitet CNA

Lulzim Basha u zgjua dje nga gjumi i tij letargjik dhe pas 6 muajsh, njoftoi se në pranverë do të mblidhte Kuvendin Kombëtar.

Sot pasdite kreu i PD-së, ka thirrur mbledhjen e Kryesisë Qendrore me rend dite, caktimin e datës së mbledhjes së Kuvendit Kombëtar.

Qëndrimi i djeshëm, rikthimi tek organizimi i PD-së, thirrja me shpejtësi për datën e Kuvendit Kombëtar, vijnë menjëherë pasi kritikët e Lulzim Bashës, Lëvizja për Ringritjen e PD-së, zhvilloi javën e shkuar në Qarkun e Korçës.

Basha i llahtarisur, nga mbështetja që gëzojnë kritikët, por edhe reagimi i fortë i bazës pro tyre, është zgjuar nga gjumi dhe i tmerruar njofton thirrjen e Kryesisë, dhe më pas caktimin e datës për Kuvendin Kombëtar.

Në 4 vite Lulzim Basha ka thirrur vetën një herë Këshillin Kombëtar, institucioni i zgjedhur nga Kuvendi Kombëtar me mandat 4-vjeçar. Basha e thërret Kuvendin në shkelje të Statutit, duke ndërprerë mandatet e të zgjedhurve, në shkelje të nenit 36.

Thirrja e Kryesisë nesër për caktimin e datës për Kuvendin Kombëtar, është një tjetër lëvizje ,që tregon se kreu i PD-së vepron në panik. Por edhe në këtë rast, kritikët e Bashës duhen falënderuar, se të paktën me disa takime në fundjavë në Korçë dhe me disa intervista zgjuan nga gjumi letargjik, “arushin” Luli që gërrhiste duke shkatërruar deri në çdo qelizë Partinë Demokratike. /CNA.al





Lajmet e fundit nga