web counter
LEXO PA REKLAMA!

SHKARKO APP

App Store
Google Play

E fundit!

x

Krisen marrdhëniet Bashkia e Pogradecit-PD/ Kapri shkarkon Engjëllush Shytin

7 Mars 2018, 21:13, Politikë CNA

Kryetari i Bashkisë së Pogradecit Eduard Kapri ka shkarkuar nga detyra e Administratorit të Buçimasit Engjëllush Shytin i cili e mbante këtë post prej vitit 2015 kur Kapri mori drejtimin e Bashkisë Pogradec.

Asnjëra nga palët si Bashkia ashtu edhe Adminsitratori nuk kanë folur për ?Sot7? lidhur me këtë shkarkim, por sipas informacioneve të siguruara, nuk ka pasur asnjë arsye konkrete për këtë shkarkim përveçse arsyes së ristrukturimit të kësaj Njësie Administrative. Në fakt dite më parë kryebashkiaku Kapri i ka kërkuar dorëheqjen Shytit, por ky i fundit nuk ka pranuar ta japë dorëheqjen. Pas kësaj kryebashkiaku ka bërë edhe shkarkimin e tij. Mësohet se vendin e Engjëllush Shytit tashmë e ka marrë Paqësor Berberi i cili do të jetë administratori që do drejtojë Buçimasin deri në zgjedhjet e 2019-ës.

Shkarkimi i Shytit në një moment të tillë tregon edhe marrdhëniet e acaruara që janë mes insitucionit të Bashkisë Pogradec dhe Partisë Demokratike Pogradec, pasi kujtojmë se Shyti është edhe kryetar grupseksioni i Partisë Demokratike në Njësinë Buçimas.

Megjithatë një shkarkim i tillë duket se po nxjerr mbi ujë konfliket e hershme që kanë ekzistuar mes Bashkisë dhe PD pasi anëtarët e saj herë pas here janë ankuar nën zë apo edhe në mbledhjet e PD-së se nuk iu është dhënë mundësia e punësimit nga ana e Bashkisë se drejtuar nga Kapri, i cili e fitoi Bashkinë e Pogradecit nën logon e Partisë Demokratike. A e dëmton një shkarkim i tillë Kaprin për të rikandiduar në zgjedhjet e 2019-ës kjo mbetet për tu parë se sa mbështetje do të humbë ai nga Njësia Buçimas dhe fshatrat e saj.

Ndërkohë që nga ana e Engjëllush Shytit është konfirmuar për ?Sot7? se ai do të hapë një proces gjyqësor për shkarkimin e tij ndërsa nuk ka pranuar të komentojë qëllimin e këtij shkarkimi nga ana e Kaprit.

Nga Artin Halili





Lajmet e fundit nga