E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Jepte diploma pas mbylljes/ Zbulohet skema e mashtrimit

7 Mars 2018, 10:23, Kronika CNA

Një ditë më parë, Policia e Shtetit, ka arrestuar në flagrancë ish-pronarin e Universiteti ?Kristal?, Ahmet Muçaj, pasi akuzohet për ?korrupsion pasiv në sektorin privat?.

Është zbuluar se Muçaj jepte diploma false edhe pas mbylljes së aktivitetit të këtij universiteti, pas bashkëpunimit me drejtësinë të njërës prej studenteve që kërkonte diplomë.

Në momentin e arrestimit, Muçaj po merrte një shumë prej 1500 eurosh, në këmbim të një diplome nga universiteti Kristal, tashmë i mbyllur.

Me anë të një njoftimi, Prokuroria e Tiranës, ka zbardhur skemën e vëzhgimit dhe arrestimit të ish-pronarit Muçaj.

SKEMA

Vajza nga Laçi, ka bashkëpunuar më Policinë e Tiranës, për rreth një muaj.

?Ajo është takuar përmes një sekseri me Ahmet Muçajn dhe ka kërkuar që të marrë një diplomë në Universitetin ?Kristal?, edhe pse ky i fundit është mbyllur. Ajo ka paguar fillimisht 1 mijë euro dhe më pas do të paguante edhe 1500 euro pasi të merrte diplomën.

Ditën e djeshme, ajo është takuar me të arrestuarin, ku i ka dorëzuar paratë dhe ka marrë diplomën. Më pas ka ndërhyrë Policia dhe ka arrestuar Muçajn dhe ka shpallur në kërkim sekserin.

Që pas mbylljes së Universitetit ?Kristal?, në vitin 2014 me vendim të Këshillit të Ministrave, Muçaj ka ruajtur numrat e amzës që ka marrë para vitit 2012, pra, para vitit kur iu pezullua licenca.

Persona të ndryshëm që kërkonin të diplomoheshin në mënyrë fiktive paguanin shuma parash te Muçaj dhe ky i fundit, duke përdorur numrat e amzës që kishin mbetur bosh, falsifikonte diplomat.

Në këtë mënyrë, personat që blinin diplomat figuronin të diplomuar që para vitit 2012. Edhe në rastin në fjalë, ku vajza 30-vjeçare bashkëpunoi me drejtësinë, është vepruar në të njëjtën mënyrë.

Ajo mori një diplomë si juriste dhe figuron e regjistruar në universitet në vitin 2010 dhe e diplomuar në vitin 2013. Në diplomë është edhe firma e ish-dekanit, por Policia dyshon se ajo mund të jetë falsifikuar./ CNA.al