web counter
LEXO PA REKLAMA!

SHKARKO APP

App Store
Google Play

E fundit!

x

Kokaina në Durrës/ Zbardhen detaje nga hetimi

6 Mars 2018, 11:10, Kronika CNA

Të tjera detaje të reja kanë dalë në dritë nga hetimi i 613 kg droge të kapur në Durrës, javën që shkoi.

Dy të arrestuarit shoferi i kamionit dhe menaxheri i kompanisë Arbri Garden, kanë mohuar para prokurorisë se kanë lidhje me drogën e gjetur në Maminas.

Menaxheri Donald Lushaj ka deklaruar në Prokurori se porositë bëhen nga Arbër Çekaj 25 apo 30 ditë përpara.

?Kam katër vite që punoj si menaxher në kompaninë Arbri Garden. Kontejnerët e kompanisë erdhën dy javë me vonesë. Kontejnerët ndaluan në portin e Livornos në Itali?, mësohet të ketë thënë Lushaj, në dëshminë e tij.

Edhe shoferi i kamionit Armando Pezaku, ka hedhur poshtë pretendimet e Prokurorisë se është i implikuar në trafikun e kokainës.

Mësohet se Pezaku, ka thënë se nuk merret me rrjetet dhe një adresë me emrin e tij e kishte hapur i vëllai.

?Kam 6 muaj që punoj si shofernë kompaninë Arbri Garden. Shoferët  e vjetër s?preferonin të transportonin nga porti. Si më i riu ma jepnin mua atë detyrë. Atë ditë kam çuar edhe dy kontejnerë në Tiranë. Isha pranë rrugës së Elbasanit kur më morën nga kompania në celular dhe shkova me kamion në port. Asnjëherë nuk kam patur disjeni se çfarë ka pasur në kontejner?, ka dëshmuar Pezaku./CNA.al





Lajmet e fundit nga