web counter
LEXO PA REKLAMA!

SHKARKO APP

App Store
Google Play

E fundit!

x

Policia jep detaje çfarë ka ndodhur me tifozët e Skëndërbeut

2 Mars 2018, 10:34, Kronika CNA

CNA.al raportoi sot se rreth 15 tifozë ishin shoqeruar në polici pasi uniformat blu kishin konstatuar kapërcimin dhe shkeljen e ligjit në sjelljen e tyre gjatë ndeshjes Skëndërbeu-Partizani.

Ndryshe nga reagimi dhe pretendimi i tifozëve, policia thekson se nuk janë shoqëruar 15 persona.

Burime zyrtare nga uniformat blu të qytetit juglindor i thanë CNA.al se nuk janë shoqëruar 15, por janë thirrur dhe ndëshkuar me gjobë si kundravajtës 5 tifozë.

?Në zbatim të nenit 49 të ligjit të sporteve policia e rendit ka gjobitur si kundravajtës 5 persona, tifozë të ekipit korçar, të cilët janë provuar se kanë hedhur sende të ndaluara në fushë si dhe kanë hipur në rrjetat rrethuese të stadiumit.

Këto dy veprime, por edhe të tjera si hedhja e fishekzjarreve gjatë shënimit të golit nga ekipi i Skëndërbeut janë të fotografuara dhe provuara nga policia, për këtë arsye në zbatim të ligjit të sipërpërmendur janë marrë dhe masat përkatëse.?- tha një burim zyrtar i policisë së Korcës për CNA.al.

Sot në mëngjes tifozët e ekipit korçar pretenduan se 15 përfaqësues të tyre ishin shoqëruar në komisariat dhe ishin gjobitur me gjoba nga 10-60 mijë lek të reja.

Policia e Korçës thekson se nuk ka pasur asnjë shoqërim, por thjeshtë janë njoftuar dhe u është konfirmuar dënimi në zbatim të ligjit të sporteve./ CNA.al





Lajmet e fundit nga