web counter
LEXO PA REKLAMA!

SHKARKO APP

E fundit!

x

Premtonin pasaporta bullgare në këmbim të mijëra eurove/ Arrestohen dy mashtruesit

2 Mars 2018, 08:09, Kronika CNA

Policia e Tiranës ka bërë të mundur arrestimin e dy personave të cilët akuzohen për mashtrim dhe falsifikim dokumentesh, kundrejt shumave prej mijëra euro.

Mësohet se të arrestuarit janë: 52-vjeçari Armando Kitai nga Dibra dhe 25-vjeçarja Fatina B., nga Gjirokastra, të dy banues në Tiranë, ndërsa ndalimi i tyre u bë në kuadër të operacionit ?Shtetësia?.

Sipas policisë, të dy këta persona në bashkëpunim me njëri-tjetrin, kanë mashtruar 25 persona të ndryshëm, të cilëve u kanë marrë në total një shumë prej 40 000 Euro, duke u premtuar se do t?i pajisnin me pasaporta të shtetësisë bullgare.

Në cilësinë e provës materiale, të arrestuarve iu sekuestruan 2 aparate celularë dhe 112 dokumenta të ndryshme si: Certifikata personale dhe familjare, fotokopje të kartave të identitetit dhe Pasaporta, fotografi për dokumenta, kopje të ekstrakteve të llogarive bankare etj.

Materialet në ngarkim të tyre i kaluan Prokurorisë së Rrethit Gjyqësor Tiranë, për veprën penale ?Mashtrimi me pasoja të rënda i kryer në bashkëpunim? dhe ?Falsifikimi i dokumenteve i kryer në bashkëpunim?./ CNA.al 





Lajmet e fundit nga