web counter
LEXO PA REKLAMA!

SHKARKO APP

App Store
Google Play

Shefi i antidrogës Vlorë superspecialist i logjistikës së trafikut të drogës

1 Mars 2018, 15:33, Kronika CNA

Xhovani Bombardieri (Giovanni Bombardieri) prokuror në prokurorinë e Katanxaros (Catanzaro) duke komentuar me gazetarët italinë dy operacionet spektakolare antidrogë ?Melina? dhe ?Steamer 2? u tërhoqi vëmendjen gazetarëve italianë për rolin e shqiptarit Adrian Licaj ish shef i antidrogës në Vlorë. Me një sarkazëm të hidhur prokurori kalabrez theksoi se 5 ton kanabis nuk do të trafikoheshin dot nga Shqipëria për në Itali pa kontributin domethënës të shefit të antidrogës vlonjate.

Si një mjeshtër logjistike dhe spedicionimi narkotrafikanti Licaj përdorte 101 mënyra e mjete për ta çuar drogën në Itali. Për të ?eksportuar? kanabisin ai përdorte një shumëllojshmëri mjetesh detare, që nga motorrët e ujit deri te avionët ultra të lehtë. Për ta çuar drogën me rrugë detare në Itali përdoreshin motorrët e ujit, skafet dhe gomonet, që përgjithsisht duke anashkaluar mbetjet e SCU (Sacra Corona Unita) puljeze, zbarkonin në plazhet e San Foca-s dhe të San Cataldo-s afër Leces.

Përdoreshin edhe peshkarexhat normale, që e zbarkonin rorgën në portet e Brindizit apo edhe më në veri në Mola di Bari. Përdoreshin edhe kamionë normalë me ngarkesë legjitime për të mbuluar ngarkesën e drogë. Kryesisht ky kanabis mbërrinte në Portin e Ankonës. Nga ajri droga dërgohej me avionë ultra të lehtë, kryesisht prodhime ukrainase me cilësi të mirë e çmim të arsyeshëm. Këta avionë zbarkonin në Pulje në një pistë aviacioni të braktisur jo larg një objekti kulti katolik. /Gjergj Thanasi /CNA.al





Lajmet e fundit nga