web counter
LEXO PA REKLAMA!

SHKARKO APP

App Store
Google Play

Kërkohej për katër vjedhje/ Arrestohet ‘skifteri” i Plasës

1 Mars 2018, 09:48, Kronika CNA

Policia ka ndaluar një shtetas si autor të dyshuar të katër vjedhjeve të ndodhura në kohë të ndryshme, në fshatin Plasë.

Në pranga ka rënë Renato Tigno, 21 vjeç, banues në fshatin Plasë.

Arretsimi i tij u bë, pasi me datë 28.02.2018, Prokuroria e Rrethit Gjyqësor Korçë, ka urdhëruar ndalimin e tij për veprën penale ?Vjedhja, më shumë se një herë? parashikuar nga neni 134/2 i Kodit Penal, pasi ky shtetas dyshohet të jetë autor i disa vjedhjeve të ndodhura në kohë të ndryshme në fshatin Plasë.

Më datë 07.01.2018, është vjedhur me thyerje kabina elektrike në pronësi të shtetasit A.D, 56 vjeç, banues në Plasë, ku janë vjedhur tre bobina bakri të një transformatori elektrik.

Më datë 22.02.2018, në fshatin Plasë, është vjedhur banesa e shtetasit E.D, 36 vjeç, (rezident në Greqi) ku janë vjedhur orendi të ndryshme si edhe 2 (dy) dekodera.

Më datë 28.02.2018, ka bërë kallëzim shtetasi H.K, 77 vjeç, banues në Plasë, i cili deklaron se para disa ditësh në banesën e tij i kanë vjedhur disa shpendë.

Më datë 28.02.2018, ka bërë kallëzim shtetasi Z.T, 79 vjeç, banues në Plasë, i cili deklaron se në banesën e tij para disa ditësh i kanë vjedhur dy pompa uji.

Në vijim të veprimeve hetimore lidhur me këtë rast, shtetasit Renato Tigno, në banesën e tij iu gjetën dhe sekuestruan në cilësinë e provës materiale 2 dekodera për transmetim të sinjalit televiziv pronë e shtetasit E.D, si edhe 1 pompë uji në pronësi të shtetasit Z.T./CNA.al

 





Lajmet e fundit nga