web counter
LEXO PA REKLAMA!

SHKARKO APP

App Store
Google Play

Pronari i "Arbri Garden" hedh poshtë akuzat e policisë/ Droga nuk është imja, policia...

1 Mars 2018, 16:34, Aktualitet CNA

Pronari i kompanisë “Arbri Garden”, Arbër Kuliçi (Çekaj), në një lidhje direkte për televizionin News24, ka kundërshtuar të gjitha pretendimet e policisë për përfshirje në trafikun e lëndës narkotike, ku dje u kapën 613 kilogramë drogë.

Ai tha se të gjitha janë spekulime politike e mediatike, dhe se vetë ai ishte nisur për tu kthyer në Shqipëri e për tu paraqitur para drejtësisë për të dhënë versionin e tij.

“Jam nisur për të ardhur në Shqipëri për të dhënë versionin tim. Nuk kam asnjë lidhje me drogën e gjetur. Unë porosis çdo javë banane nga Kolumbia, sepse për fat të keq ato nuk bëhen në Shqipëri.”, -tha Kuliçi.

Më tej ai tha se, “Kontenierët nuk kanë lidhje me kompaninë “Arbi Garden”. Asnjë person nuk është kapur në flagrancë, por janë persona që kanë qenë duke pritur prej orësh për ardhjen e kontenierëve.” Sipas tij kontenieri do të qëndronte maksimumi 20-30 minuta në kompaninë e tij, do të shkarkohej dhe kontenieri do të çohej ku ka punë.

Ai tha se policia duhet të kishte pritur që të shkarkohej ngarkesa me banane nga kontenieri, e më pas të ndiqte se ku do të shkonte ai me drogën, pasi droga s’ka lidhje me të dhe nuk do të shkarkohej aty. /CNA.al





Lajmet e fundit nga