E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Kur e ha turpin me bukë

1 Mars 2018, 10:40, Aktualitet CNA

Po bëhen gati tre javë nga publikimi i një video-skandali, ku deputeti demokrat Ervin Salianji u kap në komunikim me G.D. Një video e filmuar nga ballkoni i parlamentit, ku qëndrojnë kamerat gjatë seancës ku flitej për financierin e drogës së Habilajve, Nazer Seiti.

Aq e rëndësishme ishte kjo çështje për deputetin sa shkoi me vonesë në seancë dhe me një fjalor përvers fliste përballë me G.D.

Shumë media menjëherë e identifikuan me Grida Dumën, e cila ndoshta rastësisht ka të njëjtat iniciale.

Grida nuk u step, megjithë ndërhyrjet e saj në redaksinë tonë, që të nesërmen e publikimit të video-skandalit ajo u shfaq në një emision televiziv e kështu me radhë nuk ndali daljet e saj. Shmangu komentet për videon dhe luajti rolin që ajo nuk ishte pas G.D. duke ?shfajësuar? veten nga video-skandali pervers në parlamentin shqiptar.

Ervin Salianji, deputeti i filmuar me një gjuhë perverse, ditën që flitej për drogën në parlament, shkoi në emisionin STOP në TV Klan, i cili më pas u censurua nga Lulzim Basha.

E në rast se Grida heshti për skandalin, për të shmangur një konfirmim të mundshëm se ajo ishte G.D., dhe nga ana tjetër daljet televizive i bëri të menjëhershme, Salianji pas STOP nuk u shfaq më as në parlament as në rrjetet sociale, për më shumë se dy javë.

Për herë të parë u shfaq mbrëmë në një emision televiziv.

Në emisionin ?Top Show? të veteranit Alban Dudushi, që ja ndërrojnë oraret e emisionit sa herë që ai ?shkatërron? audiencën, dje deputeti pranoi ekzistencën e video-s dhe bëri një sqarim duke thënë se ajo ekzistonte, por konteksti i saj ishte ndryshuar nëpërmjet montazhit.

Së pari, pranoi ekzistencën e video-s pas gati tre javësh, ashtu siç Çajupi e thotë te ?14 vjeç dhëndërr?, dje i futi dhe një gotë verë pas.

Së dyti, deputeti i Lulit justifikoi veten e tij dhe ende nuk ka kërkuar ndjesë publike për gjuhën e pistë dhe faktin se në parlament ku është çuar si deputet merrej me perversitete.

Së treti, dje kërkoi të kuronte imazhin e tij, por në fakt si shumë deputetë dhe politikanë, ai nuk është për në Top Show, ndoshta as për në Portokalli. Këtë rracë politikanësh shqiptarët duhet ta hedhin sa më parë në koshin e plehrave.

Ndodh një video-skandal, dhe me parimin se çudia më e madhe tre ditë zgjat, e ?hanë turpin me bukë? dhe në fund e shplajnë me një gotë verë. Nuk kanë kurajon, as moralin që të paktën t?ju japin shqiptarëve ndjesën publike, t’ju tregojnë se kanë reflektuar, por me arrogancë dhe papërgjegjshmëri të ecin përpara dhe të vazhdojnë sikur nuk ka ndodhur asgjë.

Asgjë nuk ndodh për një rracë politikanësh të pështirë, asgjë s?kemi parë se çdo të ndodhë nga rivalët e tyre në pushtet, po kaq të neveritshëm, prandaj tani skemi ç?të presim tjetër.

Herë tjetër do jemi më të kujdesshëm. Ndoshta për të mbledhur më shumë çudi, edhe më të mëdha akoma, të cilat të zgjasin edhe më shumë se tre ditë. Ata prap do ta ?hanë trupin me bukë? dhe ne prap do të vazhdojmë të çudisim duke publikuar skandalet e tyre./ CNA.al