web counter
LEXO PA REKLAMA!

SHKARKO APP

App Store
Google Play

E fundit!

x

Kush gënjen, Xhafaj apo Policia e Shtetit?/ Informacionin për drogën e solli Antimafia Italiane

28 Shkurt 2018, 16:55, Aktualitet CNA

Policia e Shtetit arriti që në kuadër të operacionit, “Last Snow” dhe në bashkëpunim me Prokurorinë e Krimeve të Rënda dhe Drejtorinë e Hetimit Doganor, arriti të finalizojë me sukses operacionin gjatë të cilit u kapën 613 kilogramë drogë e llojit kokainë.

Kapja e një sasie të tillë drogë, vjen patjetër si rezultat i një pune të mirëorganizuar dhe një hetimi të suksesshëm, por ka diçka që për çudi, koiçidon me ardhjen e ardhjen e kreut të Antimafias Italiane, Federico Cafiero De Raho, dy ditë më parë. Pra thënë ndryshe, erdhi kreu i Antimafias Italiane dhe Policia e Shtetit arrit një tjetër sukses, kap rreth 130 milionë euro drogë.

Shumë mirë që Policia po e lufton drogën, fundja për atë paguhet nga xhepat e shqiptarëve, por nga kjo rastësi e çuditshme ngrihen dyshime nëse është vërtetë një punë e Policisë së Shtetit, apo e Antimafias Italiane, e cila erdhi në Shqipëri dy ditë para kapjes së drogës, “dha” informacionin dhe policia jonë u hodh në sulm dhe pati sukses. Dyshimet përforcohen kur shohim itenerarin e ndjekur nga ngarkesa me drogë, përkatësisht: Kolumbi  – Itali – Maltë – Shqipëri (Maminas). Pra nuk është arritur të kapet as nga maltezët, as nga italianët por kapet nga policia jonë, e cila nuk e di nëse ishte Shqipëria destinacioni përfundimtar, apo jo.

Pas ngritjes së dyshimeve nga opozita se nuk është meritë e policisë sonë, reagoi Policia e Shtetit e cila tha se është një suksese i saj pa ndihmën e partnerëve ndërkombëtar.

“Ky operacion është një sukses i padiskutueshëm i agjencive ligjzbatuese shqiptare, që është finalizuar falë bashkëpunimit intensiv me Hetimin Doganor dhe Prokurorinë e Krimeve të Rënda. Në këtë rast, i gjithë operacioni nga fillimi në fund është kryer pa asnjë përfshirje të partnerëve tanë ndërkombëtarë.”, – thuhet në deklaratën e Policisë.

Nga ana tjetër, ministri i Brendshëm thotë të kundërtën e policisë, pra “Një superaksion i Policisë së Shtetit në bashkëpunim me agjencitë e tjera ligjzbatuese vendase dhe të huaja.” Ministri Xhafaj, ndonëse nuk përmend se cilat janë agjencitë e huaja, ai e pranon që është një punë e finalizuar nga bashkëpunimi me agjencitë ndërkombëtare.

Rrjedhimisht janë dy pyetje që duan përgjigje:

1. A e solli kreu i Antimafias Italiane informacionin për drogën e kapur?
2. Kush po gënjen, ministri Fatmir Xhafaj apo Policia e Shtetit? /CNA.al





Lajmet e fundit nga