E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Detaje të reja/ Zbardhet skema policisë për bllokimin e kokainës në Durrës

28 Shkurt 2018, 10:31, Aktualitet CNA

Drejtori i Policisë së Shtetit Ardi Veliu në një konferencë për shtyp ka dhënë detaje në lidhje me bllokimin e gjysëm toni kokaine në Durrës.

? Ka qenë një aksion i policisë në bashkëpunim me krimet e rënda. Hetimet kanë dokumentuar se lënda narkotike ishte nisur me kontejnierë nga Kolumbia programuar tranzit përmes Ialisë, në Maltë e më pas në Durrës me datë 19 shkurt 2018. Ishte fshehur në dyshmenë e kontejnerit të ngarkuar me banane?, ka thënë Veliu.

Më tej kreu i Policisë, ka treguar skemën që ka përdorur policia për gjetjen dhe bllokimin e lëndës narkotike.

?Operacioni ka nisur në momentin që ngarkesa u mor në dorëzim nga kompania ?Arbri Garden? me pronar Arbër Çekaj. Lënda narkotike 528 pako ishte mbështjell me letër natriban dhe kushton 180 milion euro. Kontejneri është mbajtur nën vëzhgim derisa mbërriti në magazinë. Pas kontrollit të imtësishëm është bërë gjetja e lëndës narkotike. Ndërsa janë arrestuar shtetasit Donald Lushaj dhe Armando Pezaku si dhe është shpallur në kërkim Arbër Çeka?, ka treguar më tej Veliaj.

Ndërsa kreu i Prokurorisë së Krimeve të Rënda Besim Hajdarmata, nuk ka pranuar të japë detaje të tjera në lidhje me këtë operacion, ndërsa ka thënë se po hetojnë për gjetjen e destinacionit përfundimtar të kokainës.

?Për shkak të rëndësisë së faktit dhe të çështjes nuk mund të japim detaje të tjera. Hetimet vazhdojnë. Kemi qenë në alarm prej kohësh për të kontrolluar llojet e ngarkesave që vijnë nga vendet që janë me rrisk të lartë për importimin e këtyre drogave. Po kryhen hetime për të gjetur destinacionin përfundimtar?, ka sqaruar Hajdarmata.

Njoftimi i plotë i Policisë:

Kapet sasi rekord kokaine në Portin e Durrësit, me vlerë tregu rreth 180 milion euro

Policia e Shtetit në bashkëpunim me Prokurorinë e Krimeve të Rënda dhe Drejtorinë e Hetimit Doganor, mbi bazën e informacioneve të siguruara më herët dhe analizës së riskut, pas një pune të mirë organizuar dhe të koordinuar, ka arritur të finalizojë me sukses operacionin e koduar ?Last Snoë?.

Si rezultat i këtij operacioni u bë i mundur kapja dhe sekuestrimi i një sasie rekord prej 613 kilogramë e 350 gramë lënde narkotike e dyshuar kokainë, me vlerë tregu mbi 180 milion euro.

Hetimet kanë dokumentuar se lënda narkotike ishte nisur me kontenier nga Kolumbia duke kaluar tranzit përmes Italisë, në Maltë e më pas me anije ka mbërritur në Portin e Durrësit në Shqipëri, në datën 19 shkurt 2018.

Kokaina ishte e fshehur në kontenier me dysheme të dyfishtë, të ngarkuar me banane.

Operacioni ka nisur gjatë mbrëmjes së datës 27 shkurt 2018, në Portin Detar të Durrësit, në momentin që ngarkesa e ligjshme me banane, u mor në dorëzim nga firma porositëse ?Arbri Garden? shpk, me pronar shtetasin A.Ç.

Sasia e lëndës narkotike ishte e paketuar në 528 pako, të mbështjella me letër natriban me kode të vendosura nga trafikantët.

Kontenieri i mbërritur në Portin e Durrësit, u mbajt nën vëzhgim të pandërprerë deri sa mbërriti në magazinat e firmës, nga strukturat e Policisë së Shtetit.

Shërbimet e Policisë kanë rrethuar në perimetrin e jashtëm objektin e më pas kanë ndërhyrë në brendësi të magazinës. Pas kontrollit të imtësishëm të kontenierit, kanë bërë të mundur gjetjen dhe sekuestrimin e lëndës narkotike.

Nga tërësia e veprimeve të kryera, rezultuan të përfshirë në këtë aktivitet kriminal shtetasit dhe u arrestuan në flagrancë:

– Donaldo Lushaj, 25 vjeç, lindur në Tropojë dhe banues në Tiranë;

– Armando Pezaku, 25 vjeç, lindur dhe banues në Durrës.

Gjithashtu u shpall në kërkim shtetasi A.Ç., pronari i firmës ku u sekuestrua lënda narkotike.

Autoritetet shqiptare po vijojnë hetimet ngushtësisht me partnerët e huaj për të zbuluar gjithë lidhjet dhe personat e përfshirë në këtë aktivitet kriminal.

Ndërkohë po vijon puna për evidentimin e pasurive të të arrestuarve dhe të përfshirëve në këtë trafik narkotikësh.

Policia e Shtetit është e vendosur të godasë me Forcën e Ligjit çdo paligjshmëri dhe aktivitet kriminal, për të ndërtuar një Shqipëri më të qetë e të sigurtë./CNA.al