web counter
LEXO PA REKLAMA!

SHKARKO APP

App Store
Google Play

Moti vazhdon kapriçot, reshje bore deri në bregdet/ Marsi rrezikon…

27 Shkurt 2018, 13:15, Sociale CNA

Edhe pse jemi në ditët e fundit të dimrit, fundi i shkurtit ka sjellë edhe ditët më të ftohta.

Fundi i këtij muaji ka sjellë temperatura të ulëta, borë në një pjesë të madhe të vendit dhe madje edhe në bregdet. IGJEUM deklaron se edhe në dy ditët e ardhshme do të mbizotërojë një mot i tillë, ndërsa fillimi i marsit shton prurjet në lumenj duke rrezikuar edhe përmbytje.

PARASHIKIMI METEO
——————————————
RESHJET
Sot pasdite (e martë, dt.27) dhe nesër (e mërkurë, dt.28) në shumicën e qarqeve priten reshje të dobëta, ndërsa në Dibër, Tiranë dhe Elbasan reshje mesatare (siç tregohet në tabelë, respektivisht për secilin qark).
Pritet prania e reshjeve në formë dëbore, kryesisht në zonat malore, por edhe në ultësirat fushore deri në afërsi të bregdetit.
Reshjet e dëborës mund të sjellin problematika të ndryshme në transportin rrugor dhe ngrica si pasojë e uljes së ndjeshme të temperaturave, sidomos gjatë natës.
Shënim: në rastin e reshjeve të dëborës, 1 mm reshje = 1 cm dëborë e re.

TEMPERATURAT
Nesër (e mërkurë, dt.28) temperaturat minimale dhe maksimale të ajrit pritet të arrijnë:
në bregdet: +1 / 7
në vendet e ulëta: +1 / 5
në vendet malore: – 8 / 2 °C

ERA 
Sot pasdite (e martë, dt.27) dhe nesër (e mërkurë, dt.28) era pritet të fryjë e lehtë deri mesatare.

RREZIKU NGA PËRMBYTJET
———————————————–
Nga llogaritjet hidrologjike e IGJEUM, rezulton se lumenjtë në të gjithë territorin do të kenë prurje të qëndrueshme përgjatë dy ditëve të ardhshme. Nga data 2 Mars 2018 dhe ditët në vazhdim tendenca e prurjeve do të jetë drejt rritjes.

Ky informacion do të përditësohet nga IGJEUM sipas llogaritjeve të ardhshme dhe do të njoftoheni për çdo ndryshim në parashikimin e përmbytjeve./ CNA.al





Lajmet e fundit nga