web counter
LEXO PA REKLAMA!

SHKARKO APP

App Store
Google Play

E fundit!

x

Përplasjet në PS-në e Kukësit/ Taulant Balla: Do të ketë proces zgjedhor

20 Shkurt 2018, 18:40, Politikë CNA

Pas përplasjeve të ndodhura në Partinë Socialiste të Kukësit, që erdhën pas vendimit për shkarkimin e Mimi Kodhelit si e deleguar në këtë rreth dhe zëvendësimin me Safet Gjicin, PS Kukës do të shkojë në zgjedhje.

Sipas Sekretarit të Përgjithshëm Taulant Balla, në Kukës do të ketë një proces të ri zgjedhor, ashtu siç do të ketë edhe në disa bashki të tjera.

“Në disa bashki do kemi proces zgjedhor për drejtuesit e PS. Një nga pikat e rëndësishme ishte analiza e PS në bashkinë Kukës. Kryesia, pasi u njoh me rezultatet e auditit, mori vendimin që në Kukës të gjithë procesin e deritanishëm do ta fillojmë menjëherë nga fillimi. Do krijojmë një Asamble të re socialiste në Kukës pasi u vërejtën mangësi sa i takon barazisë gjinore etj. Partia më e madhe e shqiptarëve duhet të jetë e struktuar edhe në një qark apo bashki, ku duhet t’ju them se rezultati i PS në bashkinë Kukës ka qenë një rezultat shumë i mirë”, u shpreh Balla.

I pyetur nëse Astrit Cengu dhe Ylber Duraku janë përjashtuar nga partia pas protestës kundër të deleguarit Safet Gjici në Kukës, Balla tha se çdo kush që shkel rregullat do të penalizohet, ndërsa nuk ktheu përgjigje nëse ata janë përjashtuar apo jo. /CNA.al





Lajmet e fundit nga