web counter
LEXO PA REKLAMA!

SHKARKO APP

App Store
Google Play

E fundit!

x

Operacioni “Talassa” në Portet e Barit dhe Ankonës godet keqbërësit shqiptarë

20 Shkurt 2018, 14:21, Kronika CNA

Së fundmi komshinjtë, aleatët dhe miqtë italianë po e marrin seriozisht rrezikun, që u kanoset nga portet shqiptare. Për të përballuar këtë rrezik si edhe kërcënimet kundra rendit publik dhe atij kushtetues nga portet greke të Gumenicës dhe Patrasit u organizua një operacion antikrim i quajtur ?Talassa?. Operacioni zgjati 3 ditë (12-15 shkurt 2018) në portet e Ankonës dhe Barit. Në Bari ky operacion përsa i përket Shqipërisë pati këto rezultate: u kthyen mbrapsht 10 qytetarë shqiptarë, se nuk plotësonin kushtet për të hyrë në hapësirën Shengen. U sekuestruan zogj (gardelina), që tentoheshin të futeshin në Itali në mënyrë të kundërligjshme. U sekuestruan 194 Kg. gjalpë, djathë i bardhë e djathë kackavall, që po hynin në Itali në kundërshtim me normat veterinare në fuqi. U sekuestrua një pasaportë shqiptare e falsifikuar nga vetë sistemi si edhe u padit personalisht personi, që kishte këtë pasaportë. Ju nënshtruan kontrollit fizik 74 automjete të rënda transporti, 2 peshkarexha shqiptare dhe 3 greke, si edhe 2231 pasagjerë kryesisht të ardhur në Bari nga Durrësi.

Porti i Ankonës

Informacionet e bëra publike për këtë operacion na informojnë për investime të fuqishme në mjete kontrolli ultramoderne të bëra nga agjensitë ligjzbatuese në Portin e Ankonës. Më së fundi për të monitoruar rreziqet, që vinë në Ankona nga Porti i Durrësit dhe ai i Patrasit, u instalua në Ankona një skaner për automjetet, me parametra të përafërt me atë të Barit. Në Doganën e Ankonës po ashtu është instaluar edhe një detektor i rrahjeve të zemrës. Një aparaturë e tillë shërben për të zbuluar duke detektuar rrahjet e zemrës të klandestinëve të fshehur në karroceritë e furgonave, kamionëve, trajlerave apo të fshehur edhe në kontejnerë. Për të realizuar me më shumë eficencë kontrollin e pasaportave biometrike janë instaluar lexues chip-i elektronik. Të tilla aparatura janë shumë të dobishme për kontrollin e pasaportave të shtetasve shqiptarë, që mbërrijnë me traget në Ankona. Në këtë link ka një video interesante për kontrollin e mjeteve dhe pasagjerëve, që mbërrinë në Ankona nga Porti i Durrësit dhe ai i Patrasi./ Gjergj Thanasi





Lajmet e fundit nga