web counter
LEXO PA REKLAMA!

SHKARKO APP

App Store
Google Play

Drogaxhiu shqiptar rrëmben kushërirën 5-vjeçare

20 Shkurt 2018, 14:16, Kronika CNA

Karabinierët e qytetit të Raguzës në Sicili dyshuan te një makinë, që po ecte ngadalë me shoferin në bord dhe një fëmijë të vogël në sediljen e pasme. Ata tentuan ta ndalojnë makinën, por shoferi shtoi gazin duke rrezikuar të përplasej me makinën e karabinierëve apo edhe t?i shtypte ata. Pas një ndjekje të vështirë karabinierët arritën ta ndalojnë Fiat Panda-n, por shoferi një emigrant shqiptar 23 vjecar H.F. doli nga makina dhe u përlesh me karabinierët duke i goditur me grushta e me bërryl. Karabinierët e prangosën shoferin shqiptar, duke ndihmuar njëkohësisht një vajzë të vogël, vetëm 5 vjece, që qante në sediljen e pasme të makinës.

Gjatë kontrollit të makinës u zbuluan 30 gramë kokainë e pastër si edhe 350 euro të fituara nga shitja e drogës. Shpërndarësi shqiptar i kishte marrë në makinë të bijën 5 vjecare një kushëririt të vet, me qëllim që të mos binte në sy, kur shpërndante kokainën. Karabinierët pasi e qetësuan vajzën, ia dorëzuan të jatit, ndërsa dërguan në Burgun e Raguzës H.F. të akuzuar për shpërndarje droge, goditje personi zyrtar për shkak të detyrës si edhe heqje e paligjshme e lirisë së shtetasit në rrethana rënduese./ Gjergj Thanasi





Lajmet e fundit nga