web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria thyen rekord: Ja për çfarë është në vend të parë në të gjithë botën

19 Shkurt 2018, 10:00, Aktualitet CNA

Si rrallëherë, Shqipëria është renditur e para në një klasifikim botëror, por lloji i klasifikimit nuk është domosdoshmërisht nga ata që të bëjnë të ndihesh krenarë. Sipas të dhënave të fundit, Shqipëria renditet në vend të parë në botë përsa i përket numrit të kafeneve në raport me popullsinë.

INSTAT bën të ditur se në vitin 2016, numri i bar-kafeve e restoranteve arriti në 18,795 (14,200 bare dhe 3,965 bar restorante), me një rritje prej 6.3% në raport me vitin e mëparshëm (janë hapur rreth 1200 bar-kafe të reja në një vit dhe janë mbyllur 96 bar-restorante).

Në raport me popullsinë e vendit, sipas ?Monitor?, përllogaritet që të ketë një kafene për 152 banorë. Për vitin 2016, Shqipëria ka lënë pas edhe Spanjën, që më parë mbante rekordin për kafene në raport me popullsinë.

Kjo, pasi në katër vitet e fundit, në Spanjë, pavarësisht turizmit të fuqishëm, janë mbyllur 70 mijë kafene e restorante për shkak të krizës ekonomike. Ndërsa në Shqipëri, sipas të dhënave të INSTAT, në periudhën 2013-2016, janë hapur 4,569 bar-kafe dhe 1,160 bar-restorante të reja, ndërkohë që nurmi i popullsisë vjen duke u ulur. Burimi: Monitor





Lajmet e fundit nga