web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet telegrami që kërkonte përjashtimin e PD-së në ‘91

18 Shkurt 2018, 20:44, Aktualitet CNA

Në një postim në rrjetet sociale, historiani Kastriot Dervishi, ka publikuar telegramin e ardhur nga NRSH-ja e Gramshit, e cila kërkonte që PD të dilte jashtë ligjit edhe pse sapo ishte krijuar si parti.

Postimi i plotë i telegramit që kërkonte përjashtimin e PD:

?Shokut Ramiz Alia-kryetar i Presidiumit të Kuvendit Popullor, Tiranë.

Të mbledhur sot më datë 9.2.1991, mbështesim proceset demokratike të ndërmarra nga PPSH dhe luftojmë që atë të kalojnë me punë, mençuri e urtësi. Indinjohemi nga qëndrimet ekstremiste të disa forcave të errëta që kërkojnë destabilizimin e jetës së vendit si dhe qëndrimin e kërkesave të studentëve të cilët kërkesat për përmirësimin e kushteve të jetesës dhe mësimdhënien e përfundojnë me kërkesat për dorëheqjen e qeverisë, për shfuqizimin e ligjit për ruajtjen e monumenteve, për heqjen e emrit të universitetit, emrin e Enver Hoxhës, emër i cili është jetë dhe i shtrenjtë për ne, ashtu si për gjithë shqiptarët e ndershëm. Mendojmë se këto veprime që bien në kundërshtim me forcimin e unitetit të popullit dhe në destabilizimin e vendit, shtyhen dhe nxiten nga Partia Demokratike. Kërkojmë që kjo parti të dalë jashtë ligjit.

Jetë të gjatë e shëndet të plotë për të mirën e popullit shoku Ramiz

Nga kolektivi i NRSH

Gramsh /CNA.al





Lajmet e fundit nga