web counter
LEXO PA REKLAMA!

SHKARKO APP

App Store
Google Play

Kartë identiteti për të blerë pije energjike/Ja arsyeja

19 Shkurt 2018, 12:28, Lifestyle CNA

Supermarketet në Britani do të ndalojnë shitjen e pijeve energjike për këdo që është më pak se 16-vjeç. Duke filluar nga muaji tjetër, të gjithë adolëshentët që nuk kanë mbushur ende 16-të nuk do të mund të blejnë pije të tilla si Red Bull-i apo Monster.

Kjo masë është marrë për shkak të tendencës që 11-vjeçarët kanë për të konsumuar të tilla pije. Ndonëse në përshkrimin e kanaçeve paralajmërohet qartë se nuk rekomandohen për fëmijët, vajzat shtatzënë apo nënat që ushqejnë të vegjëlit me gji, shifrat tregojnë të kundërtën.

Diçka e tillë ndodh për shkak se shumica e përdoruesve nuk ka informacionin e duhur se ç?dëme mund t?i shkaktojë shëndetit kafeina. Një prej tyre është mungesa e gjumit që shkakton tek fëmijët duke i dëmtuar kështu proçesin e rritjes.

Pas Anglisë, vende të tjera si Lituania apo Letonia kanë kohë që kanë ndërmarrë një masë të tillë, duke mos lejuar të gjithë të rinjtë poshtë moshës 18-vjeç të mos konsumojnë këto pije. Ndërkohë që Danimarka, Turqia, Uruguaji dhe Franca po bëjnë përpjekje që kufizimet të zbatohen, në Shtetet e Bashkuara këto masa kanë dështuar, të paktën deri më tani./CNA





Lajmet e fundit nga