web counter
LEXO PA REKLAMA!

SHKARKO APP

App Store
Google Play

Prindërit dalin kundër dietologes shqiptare:"Nuk mjafton masteri për të bërë dieta për fëmijët"

18 Shkurt 2018, 15:35, Lifestyle CNA

Dietologia Blerina Bombaj është personi që ka ideuar dhe më tej aplikuar në kopshtet e çerdhet shqiptare, dietën e re për vogëlushët, e cila ka ndryshuar papritur e pa kujtuar.

Të shumtë janë prindërit që kanë dalë kundër kësaj diete, e cila ka si qëllim të mbrojë fëmijët nga obeziteti dhe për më tepër nuk kanë pranuar në asnjë mënyrë që fëmijët e tyre të konsumojnë tërshërë për mëngjes.

Megjithatë, pyetjeve të shumta të qytetarëve, ajo i ka dhënë një përgjigje deri diku profesionale, duke treguar shkollën që ka mbaruar dhe njohuritë profesionale.

Të gjithë atyre që e akuzojnë se është paguar për të bërë këtë dietë ushqimore, që bie ndesh me ushqimet që preferojnë zakonisht të konsumojnë fëmijët, Blerina u përgjigjet duke thënë se nuk e ka bërë këtë dietë me pagesë.

Ajo shkruan ndër të tjera:

Menynë e kam hartuar unë dhe më pas është shqyrtuar nga ekspertët e Institutit të Shëndetit Publik dhe mjekë pediatër. Pasi edhe ata bënë ndryshimet e tyre, u aprovua prej ministrisë së shëndetësisë.
Investigoni pak që të konstatonin se unë kam punuar falas për të ofruar një të mirë për fëmijët”.

E si të mos mjaftonte kjo, ajo është “zënë” edhe me prindërit e fëmijëve në komente, pas reagimit në lidhje me këtë shqetësim madhor.

Disa prej tyre ankohen se meny-ja është shumë e varfër dhe se ajo duhet rishikuar, kur për më tepër, fëmijët nuk janë mësuar të konsumojnë vetëm perime, të cilat janë baza e dietës së Blerinës./CNA

 





Lajmet e fundit nga