web counter
LEXO PA REKLAMA!

SHKARKO APP

App Store
Google Play

Surprizon Ardit Gjebrea/Ja çfarë bën para fillimit të emisionit " E diela Shqiptare"

18 Shkurt 2018, 12:03, Lifestyle CNA

Kantautori e prezantuesi i dashur për publikun, Ardit Gjebrea, iu bashkuan aksionit të Bashkisë së Tiranës për mbjelljen e 100 pemëve të reja pranë liqenit të Farkës, si pjesë e projektit të Pyllit Orbital.

Kryebashkiaku Veliaj falenderoi prezantuesin Ardit Gjebrea dhe kryetarin e AMA-s, Gentian Sala, për ndihmën në mbjelljen e 100 pemëve dhe theksoi se kur gjërat e vogla bëhen me dashuri, rezultati është fantastik.

?Ndoshta, jo të gjithë mund të bëjmë gjëra të mëdha, por siç thoshte Nënë Tereza, mund të bëjmë gjëra të vogla me dashuri të madhe. Të jam shumë mirënjohës për faktin që, si në skenë, si jashtë skene, mbetesh një artist model dhe më vjen mirë që falë këtij shembulli, edhe shumë të tjerë, ata që të ndjekin, apo shumë prej qytetarëve që kërkojnë mesazhe pozitive, do na bashkohen me këtë nismë?, nënvizoi Veliaj.

Kantautori dhe prezantuesi i njohur Ardit Gjebrea vlerësoi nismën e Bashkisë së Tiranës për të shtuar gjelbërimin në kryeqytet dhe theksoi se nuk mjafton që njerëzit vetëm të konstatojnë, por edhe të kontribuojnë realisht për të çuar më tej këto projekte. ?Sa herë që kam udhëtuar me makinë për në Maqedoni, në Mal të Zi, në Greqi, po ta keni vënë re, gjithmonë është si e prerë me thikë: Pjesa jonë është pa pemë, pjesa e tyre është me pemë dhe ti ndjen një keqardhje e thua: Çfarë ka ndodhur? Por, gjithmonë e kam parë, e kam konstatuar, por asnjëherë nuk e kisha marrë lopatën për të dhënë një kontribut. Pra, nuk duhet vetëm të themi: Pse ne kështu? Por, merr lopatën dhe bëje?, tha Gjebrea./CNA





Lajmet e fundit nga