web counter
LEXO PA REKLAMA!

SHKARKO APP

App Store
Google Play

E fundit!

x

Sulmi në Florida, FBI ka qenë paralajmëruar për agresorin

15 Shkurt 2018, 20:38, Aktualitet CNA

FBI konfirmoi se ka qenë e paralajmëruar për adoleshentin, i cili dyshohet se ka kryer sulmin me të shtëna masive në ish-shkollën e tij në Florida.

Sipas mediave amerikane mësohet se Nikolas Cruz, i cili është ngarkuar me shtatëmbëdhjetë akuza për “vrasje me paramendim”, raportohet se ka komentuar një video në YouTube vitin e kaluar, duke thënë: ?Do të jem qitës profesionist në shkollë?.

Një përdorues i ka alarmuar autoritetet për postimin në fjalë. Mësuesit po ashtu kanë qenë të paralajmëruar për Cruzin, i cili nuk është lejuar të hyjë në kampusin e shkollës me çantë shpine, raportojnë mediat amerikane.

?Ka pasur probleme me të vitin e kaluar, pasi ka kërcënuar studentët?, ka thënë Jim Gard, mësues i matematikës. Zyrtarët e shkollës “Stoneman Douglas” në Parkland të Floridës nuk kanë treguar sepse është përjashtuar Cruz.

Ai është arrestuar nga policia një orë pas sulmit, i cili ka lënë të vrarë 17 persona dhe të plagosur disa të tjerë. FBI tha se e ka hetuar komentin në YouTube, porse nuk ka qenë në gjendje të konfirmojë plotësisht personin që e ka postuar atë./ CNA.al





Lajmet e fundit nga