web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e ministrit gjerman për njohjen e Kosovës nervozon ministrin serb të Mbrojtjes

15 Shkurt 2018, 20:05, Aktualitet CNA

Ministri i Mbrotjes i Serbisë, Aleksandar Vulin, i është kundërpërgjigjur ashpër deklaratave të ministrit të Jashtëm Gjerman, Zigmar Gabriel, i cili tha se Serbia nëse dëshiron që të anëtarësohet në Bashkimin Evropian, duhet që së pari të njoh pavarësinë e Kosovës.

Vulin duke komentuar këto deklarata, gjatë ditës së sotme, Vulin tha se sa herë që Gjermania ka folur pa pëlqimin e plotë të Evropës, dhe në emër të saj, gjërat kanë shkuar keq dhe botës i është shkaktuar vuajtje, transmeton “lajmi.net”.

?Deklarata e Ministrit Gabriel e konfirmoi edhe një herë që Evropa në një mënyrë, nuk është e interesuar ta shoh përparimin e Serbisë, dhe faktin që Serbia është një shoqëri shumë e suksesshme dhe demokratike. Nëse anëtarësimi në Evropë do të varej nga këto vlera, ne do të ishim që moti pjesë e BE-së, por siç duket, nga ata po kërkohet vetëm një gjë, dhe ajo është njohja e Pavarësisë së Kosovës dhe asgjë më shumë. Serbia nuk do ta njohë kurrë Pavarësinë e Kosovës, nuk do ta bëjë kurrë këtë me kushtin që të jetë pjesë e BE-së?, deklaroi Vulin.

Ndryshe ministri i Jashtëm Gjerman, Zigmar Gabriel, i cili qëndroi për një vizitë zyrtare dyditore në Kosovë, deklaroi se Serbia duhet të njohë Pavarësinë e Kosovës në mënyrë që të anëtarësohet në Bashkimin Evropian, dhe sfida më e madhe për ta është që të sigurohen edhe njohjet nga pesë vendet të cilat ende nuk e kanë kryer njohjen e Pavarësisë së Kosovës./CNA.al





Lajmet e fundit nga