web counter
LEXO PA REKLAMA!

SHKARKO APP

App Store
Google Play

E fundit!

x

Arta Marku “shuplakë” prokurorëve/ Zbardhen arsyet e dështimit të organit të akuzës  

15 Shkurt 2018, 12:49, Aktualitet CNA

Kryeprokurorja Arta Marku në analizën një vjeçare të Prokurorisë së Tiranës është treguar e ashpër me prokurorët, të cilëve u ka kërkuar që të fokusohen tek hetimi i çështjeve me karakter sensitiv dhe impakt në publik, si korrupsioni në të gjitha fushat dhe nivelet e çfarëdo lloji.

“Në dimensionin cilësor rezultojnë dukshëm, hetime pa cilësi, sporadike të pa organizuara dhe me mungesë vizioni për t’u fokusuar në prioritetet që ka patur dhe ka prokurroia në luftën kundër krimit.

Prokurorët me kurajo dhe guxim duhet të fokusohen tek hetimi i çështjeve me karakter sensitiv dhe impakt në publik, si korrupsioni në të gjitha fushat dhe nivelet e çfarëdo lloji, abuzimi me pushtetin nga nëpunësit publik, lufta kundër drogës dhe grupeve kriminale që organizojnë dhe financojnë kultivimin, shpërndarjen e drogave në qytetin e Tiranës.

Identifikim dhe hetim të personave me rekorde kriminale, me pasuri e stil jetese që nuk reflektojnë të ardhurat e tyre të ligjshme, me qëllim krijimin e kushteve për të regjistruar çështje penale për “Pastrim të produkteve kriminale? dhe ndëshkimin e subjekteve aktive, por dhe sekuestrim dhe konfiskim të asteve të vëna me burime kriminale.

Rritje të bashkëpunimit me shërbimet e policisë gjyqësore për të analizuar çështjet e vjetra të pezulluara, kjo me qëllim rifillimin e tyre dhe ndëshkimin e autorëve, si një fillim i mirë për të rritur besimin e publikut tek agjencitë e zbatimit të ligjit dhe organet e drejtësisë.

Nxitjen e prokurorëve për të filluar hetime kryesisht, duke shfrytëzuar çdo informacion që mund të merret, nëpërmjet mediave apo burimeve të ndryshme informative.

Pavarësia e prokurorit ashtu siç dhe jam shprehur edhe në takime të tjera me prokurorët është një prerogativë kushtetuse dhe ligjore që duhet të ushtruar me përgjegjësinë më të  madhe nga çdo prokuror i çdo niveli qoftë. Është një prerogativ që ju shumfishon obligimin për  t?u thelluar në ushtrimin e përgjegjësive tuaja në ushtrimin e ndjekjes penale dhe përfaqësimin e akuzës”, është shprehur Arta Marku./CNA.al

 





Lajmet e fundit nga