web counter
LEXO PA REKLAMA!

SHKARKO APP

App Store
Google Play

E fundit!

x

Kokainë e hashash në Itali, identifikohet lushnjari i arrestuar

15 Shkurt 2018, 19:36, Aktualitet CNA

I riu nga Lushnja i arrestuar mëngjesin e sotëm nga policia si i dyshuar për përfshirje në trafikun e kokainës në Itali, është identifikuar. Në një deklaratë për mediat, Rezar Velmishi, Shef i Sektorit per Hetimin e Narkotikeve tha se arrestimi është bërë gjatë operacionit të koduar “Nadir”.

I arrestuari është identifikuar si Mario Ç., 38 vjeç nga Lushnja. Idetifikimin e tij Policia e ka bërë publik nëpërmjet një deklarate ku ndër të tjera thuhet:

Sot, më datë 15 shkurt 2018, Policia e Shtetit ka finalizuar një operacion ndërkombëtar antidrogë të koduar ?NADIR?. Hetimet janë kryer në bashkëpunim me Policinë italiane dhe Karabinierinë e Kompanisë  Roma Centro. Grupi kriminal ishte i përbërë nga shqiptarë dhe italianë të angazhuar në trafikun e lëndëve narkotike të llojit kokainë e importuar nga Spanja dhe Holanda për ta tregtuar në sheshet kryesore të zonës së Lacios dhe Pulias.

Policia e Shtetit në bashkëpunim dhe në koordinim të plotë me Policinë italiane Zyrën Interforcë, prezente në Shqipëri dhe me kolegët e Karabinierisë në Romë, nëpërmjet kanaleve të komunikimit të drejtpërdrejtë të dy Policive ka bërë të mundur që në shtetin italian të lëshohen urdhër arrestet ndaj 11 personave, 8 prej të cilëve në burg dhe tre në arrest shtëpie me akuza të trafikut të lëndëve narkotike.

Gjatë këtij operacioni janë sekuestruar 4 kilogramë Kokainë e pastër,  1 kg hashash dhe 36 mijë euro “cash”.

Ky grup kriminal trafikonte sasi të konsiderueshme kokaine të pastër, e cila transportohej nga korrierë të përzgjedhur, mes të cilëve të rinj pa precedentë penalë. Droga më pas tregtohej në zonat e Romës, Frozinones e në Foxha.

Hetimi i përbashkët ka bërë të mundur të ndiqen penalisht 31 persona prej të cilëve 12 janë arrestuar në flagrancë.

Në  orët e para mëngjesit të sotëm është bërë i mundur arrestimi njëkohësisht në Itali i 6 shtetasve shqiptarë, 1 italian dhe 1 rumune rezidentë në Itali. Akuza që rendon mbi ta është “pjesëmarrjes në organizatë kriminale dhe trafikim të lëndëve narkotike”. /CNA.al





Lajmet e fundit nga