web counter
LEXO PA REKLAMA!

SHKARKO APP

App Store
Google Play

E fundit!

x

Bushati: Perspektiva evropiane e Ballkanit Perëndimor, garanci për një Evropë të aftë në përballjen me sfidat

15 Shkurt 2018, 16:51, Politikë CNA

Ministri për Evropën dhe Punët e Jashtme Ditmir Bushati, gjatë vizitës së tij zyrtare në Hollandë, mori pjesë në një aktivitet të organizuar nga Qendra e Hagës për Studime Strategjike dhe ambasada shqiptare në Hollandë, ku ndau me parlamentarë hollandeze, opinionistë dhe diplomatë, këndvështrimin e Shqiperisë mbi perspektivën evropiane jo vetëm të Shqipërisë, por gjithë Ballkanit Perëndimor.

?Që kur Shqipëria nisi udhëtimin e saj antikomunist, prioriteti ynë kombëtar ka qenë dhe është anëtarësimi në Bashkimin Europian. E kemi pasur gjithmonë të qartë që rruga jonë drejt BE-së është e patjetërsueshme. Ballkani nuk ka alternativë tjetër përveç përfshirjes në familjen evropiane. Shqiperia ka bërë përparim në plotësimin e prioriteteve, përmbushja e të cilave forcon themelet e një demokracie funksionale të bazuar në shtetin e së drejtës dhe në një ekonomi të zhvilluar, të aftë për të sjellë prosperitet për qytetarët?, tha ministri në fjalën e tij.

Ministri bëri një panoramë të reformave dhe rezultateve të Shqipërisë në rrugën drejt Europës, që nga vitet e para pas 90-ës deri në ditët e sotme kur Shqipëria po troket në derën e BE-së për hapjen e bisedimeve për anëtarësim.

Sipas tij, është koha e duhur që BE të hapë dyert për Ballkanin Perëndimor, pasi evropa bwhet mw e fortw. ?Marrëdhëniet me BE dhe perspektiva e integrimit evropian janë çelësi I stabilitetit dhe ecurisë së reformave në Ballkanin Perëndimor?, u shpreh ministri, i cili shtoi se shumë nga sfidat me të cilat përballet sot Ballkani Perëndimor,  janë të njëjta edhe për vendet e tjera, përfshirë edhe vendet anëtare të BE-së. Rrjedhimisht,  vetëm duke  punuar së bashku, Evropa mund të jetë më e fortë për të përballuar sfidat, për të garantuar siguri, mirëqënie sociale dhe prosperitet për qytetarët e saj./CNA.al





Lajmet e fundit nga