web counter
LEXO PA REKLAMA!

SHKARKO APP

App Store
Google Play

Reforma në drejtësi/ Patozi: Dyshime të forta për drejtësi selektive

12 Shkurt 2018, 19:24, Politikë CNA

Ish-nënkryetari i Partisë Demokratike, Astrit Patozi, i ftuar në studion e televizionit ABC News, ka komentuar zhvillimet e fundit nga drejtësia shqiptare, ku mediat kanë folur për fillimin e arrestimeve ndër peshqit e mëdhenj.

Sipas Patozit, arrestimi i peshqve të mëdhenj është i mirëpritur, por ka dyshime se po kalojmë në një drejtësi selektive, e sipas tij, kjo është më e keqe se ajo drejtësi që nuk vepronte.

“Nuk mund të jap një përgjigje të prerë nëse është një drejtësi selektive. Por mund të them se ka shenja dhe mundësi që të mund të kemi një drejtësi selektive.

Ende nuk ka një dosje të mbyllur të një zyrtari të lartë, i cili të jetë gjykuar, të ketë dalë i pastër apo i zhytur në paligjshmëri.”, – tha Patozi.

Patozi u shpreh se duke parë se goditjet e para janë ndaj opozitës, kjo krijon përshtypjet për një drejtësi selektive.

“Goditjet e para i përkasin opozitës, por kjo nuk lë shenjë të mirë. Dua që vetingu të japë frytet e tij, por jo në mënyrë selektive.”, – tha Patozi. /CNA.al





Lajmet e fundit nga