web counter
LEXO PA REKLAMA!

SHKARKO APP

App Store
Google Play

E fundit!

x

Dhe dorëheqje nga Gjykata Kushtetuese/ Ndërpritet Vetingu për Besnik Imerajn

12 Shkurt 2018, 20:28, Kronika CNA

Komisioni i Pavarur i Kualifikimit, ka raportuar se është ndërprerë vetingu për ish anëtarin e Gjykatës Kushtetuese Besnik Imeraj. Vendimi është marrë pas dorëheqjes së dhënë rreth dy javë më parë, nga Imeraj.

Lajmi për ndërprerjen e Vetingut për është bërë i ditur me anë të një njoftimi për shtyp, ku komision deklaron se trupa gjykuese e përbërë nga Brunilda Bekteshi (kryesuese), Etleda Çiftja (anëtare) dhe Genta Tafa (Bungo) (relatore), ka vendosur ndërprerjen e procedurave të rivlerësimit për subjektin e rivlerësimit Besnik Imeraj.

?Komisioni i Pavarur i Kualifikimit njofton se trupa gjykuese, e përbërë nga Brunilda Bekteshi (kryesuese), Etleda Çiftja (anëtare) dhe Genta Tafa (Bungo) (relatore), pasi mori dijeni për vendimin nr. 2, datë 31.01.2018 të Gjykatës Kushtetuese, botuar në Fletoren Zyrtare nr. 14, datë 06.02.2018, në zbatim të nenit G të Aneksit të Kushtetutës, ka vendosur ndërprerjen e procedurave të rivlerësimit për subjektin e rivlerësimit Besnik Imeraj. Vendimi do të publikohet në faqen zyrtare të internetit të këtij institucioni në respektim të afatit të përcaktuar në nenin 55/7 të ligjit nr.84/2016 ?Për rivlerësimin kalimtar të gjyqtarëve dhe prokurorëve në Republikën e Shqipërisë?, thuhet në njoftimin për shtyp. /CNA.al





Lajmet e fundit nga