web counter
LEXO PA REKLAMA!

SHKARKO APP

App Store
Google Play

E fundit!

x

Video-“Çmenden” drejtuesit e automjeteve/ Nga 191 deri në 211 km/orë, shpejtësi në autostradë

10 Shkurt 2018, 07:30, Kronika CNA

Policia Rrugore e Tiranës gjatë një aksioni mbrëmjen e kaluar në akset kryesore, siç është autostrada Tiranë-Durrës është ndeshur me dhjetëra  drejtues automjetesh që qarkullojnë me shpejtësi tej normave të lejuara, dy apo tre herë më shumë se limiti i lejuar, të cilët janë burim aksidenti, rrezik për jetën e tyre dhe të përdoruesve të rrugës.

Çmenduri për policinë ka qenë drejtimi i automjetit me shpejtësi 191 km/orë deri në 221 km/orë.

Kështu 21 Leje Drejtimi janë tërhequr për t?u pezulluar nga OASH për shpejtësi tej limiteve të lejuara, që varionin nga 167 km/orë e deri në 211 km/orë.

?Policia Rrugore e Tiranës, është e orientuar qartë , në përmbushje të objektivit parësor, rritjen e parametrave të sigurisë së jetës në rrugë dhe jo atë të sasisë së masave administrative.

Sa duhet të jetë shpejtësia e lëvizjes së mjeteve në rrugë?

Drejtuesi i mjetit duhet të rregullojë shpejtësinë e mjetit në mënyrë që të mënjanojë çdo rrezik për sigurinë e tij, të këmbësorëve dhe mallrave, dhe çdo çrregullim tjetër të mundshëm në trafik.

Shpejtësia duhet të jetë në përputhje me karakteristikat, gjendjen, ngarkesën e mjetit, si dhe karakteristikat dhe gjendjen e rrugës, trafikun, etj.

Gjendja teknike e mjetit duhet të jetë e tillë që të përballojë të gjitha manovrat e nevojshme në kushte të sigurta?, thuhet në njoftimin e Policisë./CNA.al

 





Lajmet e fundit nga