web counter
LEXO PA REKLAMA!

SHKARKO APP

App Store
Google Play

E fundit!

x

Mbrapshtia e liderëve zbeh festën e pavarësisë së Kosovës

8 Shkurt 2018, 20:27, Aktualitet CNA

Kur Kosovën e ndajnë edhe vetëm dhjetë ditë nga festimi i jubileut të dhjetë të shtetësisë, institucionet zyratre të vendit deri tani nuk kanë bërë të ditur nëse ndonjë prej liderëve të shteteve të fuqishme apo figurave të rëndësishme ndërkombëtare të ketë konfirmuar pjesëmarrjen në festën e 17 shkurtit.

Kështu raporton “Zeri.Info”, që duke ju referuar njohësve të marrëdhënieve ndërkombëtare citon se probabiliteti për pjesëmarrjen e delegacioneve nga shtetet e fuqishme është shumë i vogël.

Sipas tyre, kjo po ndodh pasi krerët e shtetit, momentalisht, janë të refuzuar nëpër botë për shkak të acarimit të marrëdhënieve të krijuara nga situatat e fundit në vend.

Profesori i marrëdhënieve ndërkombëtare, Arben Fetoshi, ka thënë për ?Zërin? se në 10-vjetorin e Pavarësisë nuk pret pjesëmarrje të madhe të delegacioneve të huaja, pasi në prag të 10-vjetorit të Pavarësisë Kosova vazhdon të jetë një shtet me probleme serioze të shtetësisë.

Ai tha se procesi i shtetndërtimit si sprovë e kapaciteteve të brendshme është sfiduar nga dështimet e vazhdueshme të klasës politike, pra edhe të pushtetit edhe të opozitës.

?Saga e demarkacionit të kufirit me Malin e Zi për gati tre vjet dhe tentimi për zhbërjen e Gjykatës Speciale që dështoi me tërheqje janë treguesit më të qartë të paaftësisë, të papërgjegjshmërisë dhe të meskinitetit të kësaj politike. Për pasojë Kosova ka mbetur e izoluar, krerët e saj janë pothuaj tërësisht të refuzuar në botë?, ka përfunduar Fetoshi.

Edhe Arton Demhasaj, nga organizata joqeveritare ?Çohu?, nuk pret që të ketë pjesëmarrje të personaliteteve të huaja pikërisht për shkak të tentimit të zhbërjes së Gjykatës Speciale dhe të ngecjes me demarkacionin./CNA.al





Lajmet e fundit nga