web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i atentatorëve të Kullës/ Reagon kryeministri Rama

8 Shkurt 2018, 18:16, Aktualitet CNA

Pas aksionit të policisë Shkodër, e cila finalizoi me sukses operacionin ?Together?, ku u zbardh dinamika e ngjarjes së atentatit ndaj Lulzim Kullës dhe u arrestuan dy persona, ka reaguar kryeministri Edi Rama.

Në një postim në rrjetet sociale, Rama ka shkruar se rezultatet e punës së bërë nga policia janë shumë inkurajuese ndërsa ka listuar arrestimet e orëve të fundit.

Postimi i plotë:  

Falenderoj dhe nxis Policinë e Shtetit për të vijuar papushim më tej punën e mirë

Rezultatet që po vijnë si shpërblim i një pune të palodhur, janë vërtet shumë inkurajuese.

Në pak ditë e deri në orët e fundit, Policia e Shtetit ka finalizuar me sukses 5 operacione të rëndësishme kundër krimit të organizuar

Në Tiranë, u arrestuan në kohë rekord autori i dyshuar si ekzekutor dhe 3 bashkëpunëtorët e tij, në ngjarjen e ndodhur në 29 janar, ku mbeti i vdekur një person.

Në Shkodër, u zbardh ngjarja tronditëse e datës 13 janar, ku të plagosur nga një shpërthim i telekomanduar mbeten 8 persona, përfshirë këtu edhe objektivin e sulmit. U arrestuan 2 autorët e dyshuar.

Në Elbasan, u godit një grup i strukturuar kriminal, me 5 persona të arrestuar dhe 1 në kërkim; u sekuestrua një sasi e konsiderueshme lëndësh plasëse, armë, para dhe kanabis.

Në Fier, u zbardh vjedhja me dhunë dhe nën kërcënimin e armës, e 4 Exchange-ve, ndodhur ditët e fundit. U arrestua autori i dyshuar.

Në Lezhë, u sekuestruan 1.4 milion euro pasuri me burim të dyshuar kriminal, në një operacion të finalizuar një ditë më parë. /CNA.al





Lajmet e fundit nga