E fundit!

21:36 Politikë

Protestuesit e larguan nga protesta/ Zmbrapset Shehaj

Një ditë më parë protestuesit e larguan nga protesta kreun...

Fier/ Arrestohet autori i grabitjes së 4 pikave “Exchange”

8 Shkurt 2018, 17:19, Aktualitet CNA

Policia e Fierit ka vënë në pranga grabitësin e 4 pikave të këmbimit valutor gjatë një muaji në këtë qytet.

Nga të dhënat e bëra të ditura mësohet se është arrestuar Alket Velaj.

Në deklaratën e dhënë për policinë Velaj, pohon se grabitjet janë bërë pasi ndodhej në gjendje të vështirë ekonomike.

Njoftimi i plotë:

Finalizohet operacioni i koduar “EXCHANGE I FUNDIT”.

Policia kap dhe ndalon një prej autorëve.

Specialistët për Hetimin e Krimeve në Komisariatin e Policisë Fier, në bazë të një pune intensive operative hetimore, bënë të mundur finalizimin e operacionit të koduar “Exchange i fundit” ku është arritur të zbulohen dhe dokumentohen katër ngjarje të vjedhjeve me dhunë dhe nën kërcënimin e armës të ndodhura në qytetin e Fierit, konkretisht:

1-Vjedhja me dhunë e mbetur në tentativë ndodhur në datën 03.01.2018, në lagjen ?Apollonia? Fier, e një pike këmbimi valutor në pronësi të shtetasit E.S.

2.Vjedhja me dhunë në datën 09.01.2018, në lagjen ?Kastrioti? Fier, e një pike këmbimi valutor në pronësi të shtetasit L.Z, ku kanë marrë 70.000 lekë.

3-Vjedhja me dhunë në datën 23.01.2018, në fshatin Levan, Fier një pike këmbimi valutor në pronësi të shtetasit A.M, ku kanë marrë 70.000 lekë.

4-Vjedhja me dhunë në datën 03.02.2018, në lagjen ?11 Janari? Fier, e një pikë këmbimi valutor në pronësi të shtetasit P.J ku i kanë marrë një shumë prej 500.000 lekë dhe 300 euro.

Në lidhje me këto ngjarje u bë kapja dhe ndalimi i shtetasit:

-Alket Velaj, 25 vjeç, banues në fshatin Varibob, Fier(i dënuar më parë për “Plagosje të rëndë me dashje” dhe “Shkatërrim prone”).

Policia po punon intensivisht për dokumentimin e plotë të këtyre ngjarjeve, kapjen dhe ndalimin e bashkëpunëtorëve të tjerë të implikuar.

Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhje me dhunë” e kryer në bashkëpunim, parashikuar nga Neni 139 e 25 i Kodit Penal. /CNA.al