E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Moti i keq/ Ja si paraqitet situata në zonat e përmbytura

4 Shkurt 2018, 11:01, Aktualitet CNA

Me përkeqësimin e motit, situata në vend është përkeqësuar duke shkaktuar në shumë zona, përmbytje dhe evakuime të familjeve.

Policia e shtetit në një postim në rrjetet sociale ka njoftuar se është në gatishmëri të plotë të banorëve që do të kërkojnë ndihmë.

Gjithashtu është njoftuar se në Fier, Vlorë dhe Shkodër janë dërguar grupe të FNSH-së dhe Delta Forcë, për t?u ardhur në ndihmë banorëve dhe për të bërë të mundur stabizlizim in e situatës.

Teksa është bërë një pasyrim i orëve të kaluar, policia ka vënë në funksion numrat pa pagesë 112 e 129, në mënyrë që gjikush që ka nevojë për ndidhmë të kontaktojë.

Njoftimi i plotë:

Policia e Shtetit prej ditës së djeshme ka kaluar në gadishmëri të përforcuar.

Në të gjitha qarqet shërbimet e Policisë janë angazhuar në ndihmë të banorëve ku është kërkuar ndihmë.

Në Fier, Vlorë e Shkodër janë dërguar grupe të FNSH-së dhe të Delta Forcë.

Në Ferras e Novoselë ndodhen 2 njësi të FNSH- së Fier dhe 2 njësi të Deltës me makina me kalueshmeri të lartë dhe varka e gomone.

Në fshatin Theth Shkodër është kërkuar ndihmë për ta trasportuar drejt spitalit Shkodër një shtetase të huaj e cila ka shfaqur probleme shëndetësore. Janë dërguar shërbimet e Policisë me mjet policie të larte dhe mjekun e zonës.

Shërbimet e Policisë në Gjirokastër gjatë mbremjes janë angazhuar në evakuimin e banorëve të një pallati ku ka pasur shkarje dheu dhe rrezikohej pallati.

Në të gjitha akset rrugore Policia Rrugore ka shtuar prezencën për të orientuar e ndihmuar drejtuesit e mjeteve për shkak të prezencës së ujit në rrugë apo të dëborës në zonat e thella.

Patrullat e Përgjithshme në të gjithë territorin janë në patrullim të pandërprere duke ju ardhur në ndihmë disa banorëve në qytete të ndryshme e fshatra që kanë kërkuar ndihmën e Policisë.

Në të gjitha Sallat Operative të Policisë është përforcuar shërbimi duke iu përgjigjur në kohë reale çdo telefonate të ardhur nga banorët në zona të ndryshme.

Policia e Shtetit është në gadishmëri të plotë duke bashkëpunuar e koordinuar veprimet me Emergjencat Civile dhe për çdo nevojë dhe ndihmë nga forcat e policisë te kontaktojnë në numrat e telefonit pa pagesë 112 e 129.

Gjithashtu në rast neglizhence nga punonjësit e policisë qytetarët të telefonojnë në numrin pa pagesë 0800 90 90 duke ju garantuar reagim të shpejtë e të paanshëm. /CNA.al