web counter
LEXO PA REKLAMA!

SHKARKO APP

App Store
Google Play

E fundit!

x

Plani i Ramës për “shfarosjen” e LSI -së/ Kush pritet të arrestohet pas Dashamir Xhikës?

4 Shkurt 2018, 09:52, Aktualitet CNA

Kryeministri Edi Rama ka paralajmëruar arrestimin e drejtorëve dhe përfaqësuesve të Lëvizjes Socialiste për Integrim. Të premten në mbrëmje kreu i qeverisë ka mbledhur kryesinë e degës së Partisë Socialiste të Tiranës, teksa ka dhënë një sërë porosish për deputetët dhe përfaqësuesit e saj.

Rama është shprehur i pakënaqur me organizimin në përgjithësi të degëve, ku ka kërkuar që të ndizen motorët për zgjedhjet vendore të vitit 2019. Por qëllimi kryesor i kryetarit të PS-së do të jetë shfarosja e LSI-së.

Dhe për të argumentuar planin e tij se LSI me patjetër do të zhduket, kreu i ekzekutivit ka risjellë gjatë fjalës së tij në kryesinë e PS së Tiranës, rastin e arrestimit të ish-drejtorit të Dashamir Xhika, teksa mësohet se është shprehur se fatin e këtij të fundit do të kenë më shumë se gjysma e drejtorëve të Lëvizjes Socialiste për Integrim dhe përfaqësuesit e kësaj partie që kanë abuzuar me paratë e shtetit.

Por arrestimi i zyrtarëve të LSI nuk është treguesi i vetmi që do të tkurrë këtë parti, pasi i pari i qeverisë ka edhe një tjetër plan në sajë të së cilit, ish-aleatja e tij në mandatin e parë, do të shfaroset.

Madje, gjatë takimit me drejtuesit e Partisë Socialiste së Tiranës, kryeministri Rama ka qenë i prerë me të vetët, teksa mësohet se i ka urdhëruar që të bëjnë për vete pjesën e ndershme të drejtorëve dhe militantëve të LSI, duke i ftuar në PS.

Duket se përmes këtyre porosive, kreu i ekzekutivit jo vetëm që po punon për të zhdukur Lëvizjen Socialiste për Integrim nga jeta politike duke i marrë militantët, por po paralajmëron se në ditët në vijim ish-drejtorë të tjerë të LSI që kanë abuzuar me detyrën do ta gjejnë veten para drejtësisë. Pra përmes kësaj lëvizje, kryeministri Rama i jep goditjen finale LSI duke e shfarosur fare.

Pasi, teksa një pjesë e drejtorëve LSI që kanë abuzuar me detyrën natyrshëm e gjejnë veten para drejtësisë dhe pjesa tjetër e militantëve të kësaj partie i bashkohet Partisë Social iste, ish-partia e Metës me shumë gjasa do t?i humb zgjedhjet vendore.

Ndërkohë që mos harrojmë se fituesi i këtyre zgjedhjeve në një farë mënyre tregon qartë se do jetë fitues edhe i zgjedhjeve parlamentare të vitit 2021. Megjithatë, mbetet për t?u parë në ditët në vijim se çfarë do të ndodhë më konkretisht me këtë ?luftë? mes PS e LSI.

Disa nga mënyrat e joshjes së militantëve të LSI

Për shfarosjen e Lëvizjes Socialiste për Integrim nga arena politike, Partia Socialiste ka menduar që të aplikojë disa mënyra, kryesisht duke i marrë militantët nga partia. Kështu, pas porosive të vazhdueshme të kryeministrit Edi Rama, baza socialiste ka nisur ?gjuetinë? në kërkim të militantëve të zhgënjyer apo jo të LSI.

Mësohet se një nga taktikat që socialistët do të përdorin kundrejt militantëve të LSI është se do t?i ftojnë në Partinë Socialiste duke iu kujtuar që në fillim kanë qenë socialistë.

Ndërsa një tjetër taktikë që socialistët do të ndjekin për të joshur militantë, është se gjatë kontakteve do t?ju kërkohet që të braktisin LSI, për vetë faktin se kjo parti është një forcë pazaresh dhe jo subjekt politik i qytetarëve.

Ndërkohë që në të njëjtën kohë, mësohet se socialistët gjatë takimeve me militantët do t?ju kërkojnë këtyre të fundit që t?i bashkohen PS pasi LSI nuk do të vijë më në pushtet./Sot





Lajmet e fundit nga