E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Majlinda, pasqyra që duhet thyer

3 Shkurt 2018, 14:40, Aktualitet CNA

Një histeri e madhe publike kryesisht nga pseudo-opozitarë shpërtheu disa ditë më parë ndaj ish-ministres së Integrimit, Majlinda Bregu.

Nën varjantin ?gratë urrejnë më shumë gratë? dhe suksesin e tyre, ndaj Zonjës Bregu u ngrit një gënjeshtër e madhe, një mashtrim publik sikur Edi Rama po e shpërblente dhe po i jepte një post të rëndësishëm ndërkombëtar. Gënjeshtër ashtu si dhe ato të mëparshmet, kur u tha se zonja Bregu do të ishte ministre e Edi Ramës, të neveritshme si sulmet dhe akuzat e bëra kohë më parë ndaj saj nga disa figura mediatike, por dhe nga personazhe të opozitës.

Përtej pasqyrës ku shumica e femrave nuk shohin veten dhe duan ta thyejnë se ju shfaqet zonja Bregu, qëndron dhe ndonjë burrë si për shembull Lulzim Basha apo ndonjë bashkëpunëtor i tij, që në këto vite janë marrë më shumë me Majlinden sesa me opozitë. Sot PD do të ishte ndryshe, nëse do të merrej më pak me atë zonjë dhe më shumë me veten.

Shqiptarëve ju mungon opozita sepse është futur në kthetrat e Edi Ramës, PD-së i mungon Majlinda, një ish-deputete energjike, një ish-ministre me raporte të shkëlqyera të siguruara gjatë kohës si ministre e Integrimit.

Por, Majlinda është pasqyra që duhet thyer sepse vuri në lojë ndonjë gazetaruce të pamoralshme, sepse i tha disa herë Bashës në sy se po gabon, sepse lexonte dhe kuptonte politikisht më mirë se sa kryetari i opozitës, sepse nuk bëri kompromis në atë që besonte.

U sulmua dhe vazhdon të sulmohet, të gënjehet dhe abuzohet. Arsyeja duket të jetë diku tjetër ashtu si dhe në rastin e gënjeshtrës më të fundit që u tha për të.

Majlinda garon si një intelektuale dhe profesioniste nga Shqipëria në një institucion ndërkombëtar dhe aty ku po shkon zonja Bregu nuk të çon dot qeveria, por është një garë që zhvillohet në institucionet ndërkombëtare në Bruksel. Ajo po shkon vetë me CV-në dhe eksperiencën e saj, nuk e rekomandon dhe nuk e çon dot Edi Rama, për më tepër sa më shumë diversion apo mbështetje të bëjë qeveria apo PD-ja aq më shumë punë i prish.

Në këtë rast të gjitha palët duhej të ishin bashkë me Majlindën, që në atë institucion të shkonte si një shqiptare e mirë, si një zonjë intelektuale me të gjitha kapacitetet për të qënë pjesë e institucioneve ndërkombëtare. Por kjo nuk ndodhi, atë e sulmuan.

Majko ka shkuar si një kandidaturë e propozuar nga Berisha përpara disa vitesh për një post në OKB, askush nuk e sulmoi Majkon në atë kohë, ajo ishte një garë e tij, por rekomandimin ja dha Berisha.

Të gjithë do të donim të kishim një ish-ministër në një institucion ndërkombëtar, ashtu siç të gjithë duhet të duam që ish-ministrja e Integrimit të ishte në një institucion me peshë.

Majko ishte një kandidaturë e propozuar nga Berisha dhe nuk u sulmua nga askush, ndërsa pasqyrës së Majlindës po i qëllojnë me gurë për ta thyer, megjithëse po shkon e vetme duke tentuar të hedhë një hap të rëndësishëm, jo vetëm për karrierën e saj, por një hap që do bënte krenar çdo shqiptarë për peshën në një institucion prestigjoz dhe zonja Bregu do të ishte një ambasdadore e shkëlqyer për imazhin tonë.

Ndërkohë shume gazetarë, një pjesë të llumit të opozitës, për xhelozinë e Bashës dhe të familjarëve të tij ajo është pasqyra që duhet thyer.

Por në fakt ka edhe pak kohë që të ndalet histeria, shpifjet dhe lumi i mashtrimeve. Është momenti kur Shqipëria ka një garë dhe nuk e ka vetëm Majlinda. Është momenti që të gjitha palët duhet të lobojnë me çdo mjet dhe mënyrë që pozicionin që sot e mban një serb ta marrë një zonjë shqiptare. Të lobojnë fort përtej inateve, mllefeve apo xhelozive sepse është një betejë që rrit imazhin e Shqipërisë dhe vlerat e saj përballë ndërkombëtarëve, gjithmonë skeptikë ndaj nesh.

Ne kemi një kapacitet me vlera të padiskutueshme dhe atë duhet ta shfrytëzojmë si avantazh për të mirën e Shqipërisë, jo të marrim gurët dhe ti biem e ta thyejmë. Në fund po të mos zgjidhet zonja Bregu ajo thjeshtë do të humbë një garë, por Shqipëria do të humbte zërin e saj dhe përfaqësimin në një institucion të rëndësishëm ndërkombëtar. Prandaj gurët nuk thyejnë vetëm pasqyrën ku të mllefosurit shohin zonjën Bregu.

Dje denjësisht Berisha nuk e lejoi të ndodhë një gjë e tillë dhe doli në krah të Pandeli Majkos, sot kur Bregu po shkon e vetme në një garë, fatkeqësisht po ndodh e kundërta.

Ndonjë kokë e nxehtë dhe inat i tepruar ndoshta e ndihmojnë më tepër dhe i sigurojnë fitoren në një garë tepër të fortë Majlindës. Në atë moment ndoshta do të lumturohen edhe ata që nuk e duan nëpër këmbë me energjinë dhe mprehtësinë e saj./ CNA.al