E fundit!

22:44 Aktualitet

Eric Wendt një hap larg emërimit/ Komiteti i Senatit voton pro gjeneralit si ambasador i SHBA-së në Shqipëri

Komiteti për Marrëdhëniet me Jashtë i Senatit amerikan ka ...

Reagimet e opozitës kundër marrëveshjes Xhafaj-Marku/ Reagon Ministria e Brendshme

2 Shkurt 2018, 16:33, Aktualitet CNA

Pas reagimeve të opozitës ndaj marrëveshjes kundër krimit dhe korrupsionit të nënshkruar mes Kryeprokurores së Përkohshme, Arta Marku dhe ministrit Fatmir Xhafaj, ka reaguar Ministria e Brendshme.

Nëpërmjet një deklarate për shtyp, ministria shpreh keqardhjen për këto deklarata dhe e quan shqetësimin të pakuptimtë, pasi sipas Ministrisë kjo nuk është marrëveshja e parë dhe as e vetmja në kuadër të përpjekjeve me thellimin e bashkëpunimit mes institucioneve. Ajo akuzon opozitën për shtrembërim të marrëveshjes.

Po ashtu në këtë deklaratë, Ministria e Brendshme fton opozitën, të bashkëpunojë dhe monitorojë brenda kufijve ligjorë.

Deklarata e plotë:

Ministria e Brendshme shpreh keqardhje për deklaratat e sotme të opozitës ndaj shqetësimit të pakuptimtë, për marrëveshjen e firmosur mes Ministrit të Brendshëm dhe Prokurorit të Përgjithshëm.

Kjo nuk është marrëveshja e parë dhe as e vetmja në kuadër të përpjekjeve për thellimin e bashkëpunimit mes institucioneve në luftën kundër kriminalitetit dhe krimit të organizuar në veçanti.

Në kushtet kur krimi organizohet, sofistikohet dhe vepron pa barriera burokratike, autoritetet shtetërore dhe agjencitë ligjzbatuese nuk mund të kenë luksin apo t?i lejojnë vetes, që pavarësisht vullnetit të tyre të mirë, të luftojnë secili në parcelën e vet.

Marrëveshja, teksti i së cilës është bërë publik edhe për opinionin e gjerë, garanton, njeh dhe respekton autoritetin e vetëm të Prokurorisë në drejtimin e hetimeve. Ajo vë pikërisht të gjitha aftësitë dhe kapacitetet e Policisë së Shtetit në shërbim të Prokurorisë, për hetime të plota dhe të specializuara.

Përfaqësuesit e opozitës që dolën sot në konferencë për media, minimalisht shtrembëruan dhe keqpërdorën detajet e marrëveshjes, duke pretenduar shkelje të dispozitave ligjore në fuqi. Përkundrazi, kjo marrëveshje është lidhur në bazë dhe në zbatim të kornizës ligjore në fuqi, për luftën kundër krimit të organizuar.

Marrëveshja detajon aspekte organizative të nevojshme për të garantuar hetime efikase, çuarjen para drejtësisë të eksponentëve të grupeve kriminale si dhe sekuestrimin e aseteve të përfituara nga aktivitete të paligjshme.

Sot, ajo çka prisnim nga opozita ishte një mbështetje për vullnetin dhe hapat e hedhura nga Policia e Shtetit dhe organet e tjera në luftë me paligjshmërinë. Mund të heshtnin, nëse këtë nuk e bëjnë dot.

Opozita është e ftuar të bashkëpunojë dhe monitorojë, brenda kufijve ligjorë, gjithë punën e Task Forcës Speciale ?Forca e Ligjit?. /CNA.al