E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Përdorimet e vajit të kokosit do t'ju lehtesojnë jetën

2 Shkurt 2018, 15:20, Aktualitet CNA

Vaji i kokosit po i bashkohet uthullës së mollës pasi të dy bëjnë mrekulli kur vjen puna tek çështjet e bukurisë. Emra si Miranda Kerr dhe Kourtney Kardashian kanë pohuar se përdorin vajin e kokosit sepse u zgjidh punë në shumë raste. Në vijim po paraqesim disa situata ku vaji i arrës së kokosit bën mrekulli (sigurohuni që të jetë ekstra i virgjër). Por bëni kujdes, sepse në disa raste ju prish punë!

Pastron make up-in
Përpara se të lani fytyrën, vendoseni vajin e kokosit në gjithë fytyrën dhe gjithë make up- do të shkrijë për pak sekonda. Për ta pastruar përdorni pambuk të pastër. Gjithashtu, nëse e lini për pak çaste në fytyrë, do t?ju ndihmojë për rritjen e qerpikëve dhe vetullave.

Zëvendëson kremin e depilimit
Vaji i kokosit është një mënyrë e sigurt që mund të përdoret gjatë depilimit. Lëkura do të jetë e butë dhe nuk do të keni shenja. Mjafton të lyeni këmbët me vaj, dhe pastaj të vazhdoni procesin si zakonisht.

Zbut buzët e thara nga i ftohti
Gjatë dimrit, buzët thahen nga temperaturat e ulta, ndaj vaji i kokosit shërben si balsam për zbutjen dhe mbrojtjen e tyre. Hidhni në një kuti të vogël pak vaj (preferohet në formë të ngurtë) dhe aplikojeni vazhdimisht gjatë ditës.

Ndihmon në zbardhjen e dhëmbëve
Studiuesit theksojnë se mbajtja për pak minuta e vajit të kokosit në gojë, ndihmon në largimin e erës së keqe dhe zbardhjen e dhëmbëve. Efekti nuk është i menjëhershëm, por pas disa përdorimesh do të shihni rezultatet.

Mirepo duhet të bëni kujdes në dy raste:

– Mos e përdorni vajin e kokosit tek rrënjët e flokëve nëse keni lëkurë të yndyrshme. Mund ta aplikoni tek majat e dëmtuara pa asnjë problem.

– Mos e zëvendësoni me kremin mbrojtës ndaj diellit. Është e gabuar ideja se vaji i kokosit mund të funksionojë edhe si krem mbrojtës, përkundrazi është i rrezikshëm pasi rrit rrezikun ndaj kancerit të lëkurës./CNA