web counter
LEXO PA REKLAMA!

SHKARKO APP

App Store
Google Play

Vdes burri më i vjetër në botë/Jetoi 113 vite në të njëjtin fshat

31 Janar 2018, 12:30, Aktualitet CNA

Më shumë se një muaj pasi festoi ditëlindjen e tij të 113, burri më i vjetër në botë ka ndërruar jetë ditën e djeshme.

Francisco Nunez Olivera, i cili ishte 10 vjeç kur shpërtheu Lufta e Parë Botërore, vdiq të hënën në fshatin Bienvenida në Spanjën jugperëndimore, ku kishte jetuar gjatë gjithë jetës së tij.

I lindur më 13 dhjetor 1904, të afërmit vlerësuan se jeta e tij e gjatë i detyrohej një diete të bazuar në perime të rritura në tokën e tij dhe një gote vere të kuqe.

Gjithashtu çdo 113 vjeçari konsumonte tortë që në përbërje kishte vaj ulliri dhe një gotë qumështi.

Spanja është një nga vendet me jetëgjatësinë më të madhe në botë, të cilën mjekët shpesh ia atribuojnë dietës mesdhetare të vendit.

Në një intervistë në prill të vitit 2015 me të përditshmen spanjolle El Mundo, Francisco tha se do të donte të jetonte edhe disa vite pavarësisht faktit që të gjithë miqtë e tij ishin të vdekur.Ai tha:

E di që jam shumë i moshuar, pro nuk ndihem si i tillë. Ndaj dua të jetoj edhe disa vite.
Francico kishte katër fëmijë, nëntë nipër e mbesa dhe 15 stërnipër, dhe festoi ditëlindjen e tij më 13 dhjetor, kur mori letra urimi nga e gjithë bota.

Vajza e tij 82-vjeçare tha se i ati kishte shëndet të mirë deri pak para vdekjes.

Kryetari i komunës Carmona ku burri jetonte tha:

Francisco është një shembull i gjallë i cilësisë së jetës në komunë, por edhe i fshatrave pa ndotje dhe punës pa stres dhe mënyrës tradicionale që ne zgjedhim për të jetuar. Ai ka edhe një vëlla e një motër të moshës 97 dhe 93 vjeç, dhe kishte bërë aplikimin për të hyrë në Guinness.”/CNA





Lajmet e fundit nga