E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

‘Më thanë që kisha dhe 3 ditë jetë’: Ambra rikujton takimin e parë me tumorin

31 Janar 2018, 11:37, Aktualitet CNA

Kanë kaluar tre vite nga dita që Ambra Meda mposhti njëherë e mirë tumorin, një formë jashtëzakonisht të rrallë nga i cili njihen vetëm 130 raste në botë dhe Ambra u kthye në të vetmin rast të suksesshëm.

?Nuk ndihesha si më parë, nuk ecja dot, nuk merrja dot frymë, fillimisht mendova se ishte një gjendje gripale, por kur nuk ecja dot më, kuptova që kishte diçka që nuk shkonte dhe i thashë mamit…? tregon Ambra në studion e ?Pasdite në Top Channel?. Por ishte vetëm kur u rrëzua në rrugë, që situata u bë vërtet serioze. Ambra, asokohe 16 vjeç u dërgua me urgjencë në spital, por mjekët nuk i dhanë shpresa, sipas tyre Ambrës i mbeteshin vetëm 3 ditë jetë.

Sipas dajës së saj, gazetarit sportiv Dëfrim Methasani, po ashtu i ftuar në studio, faji nuk ishte i mjekëve. ?Ata kanë të gjithë potencialin e duhur, por në Shqipëri mungojnë aparaturat?. Pas një telefonate me boksierin Ismail Keta, Ambra që mendonte se vuante nga një infeksion i thjeshtë, është nisur drejt aeroportit të Prishtinës, duke qenë se biletat nga Tirana për në Mynih ishin të papërballueshme.

2 vite në spital, 18 muaj kemioterapi që mori emrin ?Amnra? dhe 5 operacione shumë të ndërlikuara me robotë, rasti i Ambrës ishte një eksperiment i mjekësisë angeleze dhe asaj gjermane, që fatmirësisht rezultoi i suksesshëm.

Gjatë kurimit të saj në Gjermani, Ambra është vizituar rregullisht nga princesha e Mynihut, apo emra të tjerë të njohur që përpiqeshin t?i jepnin kurajo apo të kontribuonin nga ana monetare. Ndërhyrja e saj kushtoi 300 mijë euro, 70 mijë prej të cilave u mblodhën nëpërmjet ndihmave të qytetarëve shqiptarë, që u prekën shumë nga rasti i saj, gati 200 mijë i mbuloi bashkia e Mynihut, ndërsa pjesën tjetër e mbuluan vëllezërit Keta.

Ambra u bë personazh mediatik asokohe, jo vetëm për rëndësinë e rastit të saj, por edhe për mënyrën si u përball me sëmundjen, ndonëse shumë e re. Ajo siguroi një bazë të qëndrueshme ndjekësish në Instagram që e përkrahnin, motivonin dhe vlerësonin për pozitivitetin dhe aftësinë për të buzëqeshur ndonëse po luftonte me sëmundjen e rëndë.

?Të gjesh forcën tek vetja, të besosh se mund t?ia dalësh, të shohësh ?po?-në tek vetja, jo vetëm ?jo?-në tek mjekët,? kjo ishte motoja e Ambrës dhe këshilla për të gjithë ata që po luftojnë me sëmundjen në një fazë të jetës./CNA